مهنـة وشـاعر يتغزل أو يسب محبوبته من تأليفي المتواضع

تذكير بمساهمة فاتح الموضوع :

مهنـة وشـاعر يتغزل أو يسب محبوبته من تأليفي

راودتني هذه الفكرة الان وقلت لنفسي لماذا لا أجرب وأكتب بلسان كل صاحب مهنه يمتهنا قصيدة بالنيابة عنه في الحالتين متغزلاً مع محبوبته أو آخر زهجان منها وتخيلت المشهد وبدأت بالسواق

الســواق يتغزل

يوم أشوفك يا حلــــوة * ** ما قـــادر أوصـــف أيه بــكـــون
حالتي تصعب برتعـش * ** لمن أشــــوف جــــوز العــيون
سـاعة ( تجري النور طويل ) *** بتضـوي لـينا كـل كــون
ضحكتك زي ( بوري ) مبـرمـج *** نغـمتـوه حـلـوة تــزيـد الــشجون
ولـونـك ( الخاطف ) عيـونـي * ** كـل فتـرة معاهــا لــون
والمشية بي مهل ( نمره واحد ) *** ياربي كيف ( خمسة ) تكون
لا ( عجاج ـ لا ( غبـار) جـاي مـنـك *** او حتى (كركسة ) ولا يحزنون
بوديكي يا غالية ( بشارع ممهد ) * ** ليـك وحـدك وعلـيك يهــون
لا فيه ( زحمة ) ولا (إشارات طويلة ) *** بوصلك لي قلبي المصون
جايـك أنا ( بالدرب العديل ) *** ( ورابط حزام ) الصبر مهـما يـكـون
لا ( بخالفك ) إذا رفضدتي ولا ( بعكس شوارعك ) *** لكن ( بجدد إستمارة ) طلبي يا ريت تقبلون
كان قبلتي تكون فـرحـة ( عـامـة ) *** ( أختام ثلاثة ) في القلب والشفايف والعيون
يا ريت توافقـي وما تخـذليـني *** ونمشية ( مشوار ) سعيد وعداد مضمون

****

محاااااااااااااولة وتوقعـوا سواق عكس هذا تمام زهجان شديد من حبيبتو

تقبلوا محااااولتي المتواضعـة

مدخل جميل جدا,,بس ياريت لو كان مشيت كم خطوه كده,, تعرف اننا

لا نشك لحظه في ان تيار الشعر عندكم جاري ومتجدد كانسياب مياه البحر

تعيش ياابو الزهور,ومشكور علي الخلفيه.بصراحه اصبت مرتين.

المره الاولي انني احب الاطفال كثيرا,علي شرط يكونوا مؤدبين

والمره التانيه ايضا احب الغروب والشفق لاني اجد نفسي هناك..

ودمت يااستاذ

السلام عليكم ورحمه الله وبركاته

عيدكم مبارك وكل سنه وانتوا طيبين..
بعد العيد جاء طلب من سمكرجي يبحث عن ورشه غزل نشوف قال شنو؟

اخي ابو الزهور ياريت نشوفك هنا..

سمكرجي او حداد

قلبي قبال يشوفك كان***حديد شغال تمام

ويوم لقيتك انبهلت***وقعت من قوله سلام

ظبط المقاس جوه وبره***وبقي هواك معاي لحام

شبك الغرام واجتاح***النوافذ من غير نظام

والشعور الكان مصدي***زي لوح صاجه خام

اتفتح مسامات ودخل ***الهوي بدون اخرام

وبقي باب المحبه لا وكره***لا كالون فاتح دوام

انسد الفراغ الجوه القلب***ضلفه ضلفه لحد الحلق ريده وغرام

ريدك كسر السياج طلع السلالم***هندس الرسم ولا في الاحلام

بعد اتفقنا وقبضنا عربون***ومضينا وكت الاستلام

زاغ الزبون نقض الاساس***لا جابو اتقان ولا مكن الكلام

بقي ريدك سيخه واقفه في زور*** الحداده لا بتصنع جديد لا بمشي قدام

بقي ريدك سيخه واقفه في زور*** الحداده لا بتصنع جديد لا بمشي قدام

هههههههههههههههههههههههههه

ريدك سخية والله تمااااااااااااااااااااااااام حلووووووووة منك كلمات ملحمة تمام

أانا المصدوم من كل جنبة *** داقشني ريدك من زمان
فضلت اسمكر في عواطفي *** اصلي مدشدش مع الحنان
دخلت ورشة غرام عشانك *** واصلح كل الانسكر والكان وكان

وسلامتكم مدخل فقط

يديك العافيه يا ابوالزهور

دايما مميز..

بس ياريت تكمل..

تحيه طيبه ابو الزهور
لو عندك دقيقه تعال شوف اورنيق الفران المسخن ده....

فران

ريد المخابز تشغيلو الي ومره مكبوت في القبوات الصغيره

توزيعوا محصور في سوق المحبه مخبوز نضيف بي اوزان كبيره

ريده مطروحه في طاوله مزاد يمكن تشيلها ويمكن تشوف غيره

الحب بدونك تموين شعوب مسروق والما بحب التموين ذا شعور فقيره

سخانه طالعه من شوق المشاعر تبرد نار الفرن وتفضل حراره الشوق خطيره

هوانا ليك بات مردوم عجينه خام ريده سنين مطحونه مخزنه وكتيره

اصلا حبي ليك لازماهو معجنه طوالي قايم و فاير مامحتاج خميره

في النهايه لقيت العيش بدونك قوت كايس خبزه غايبه مجهول مصيره

***************************

هههههههههههههه
حلووووووووووووووووة وين انت تغيب دهرا وتنطق دررا يا غالي عودااااااااااا حميدا

اديك خاطرة خباز

======

يا بنية يا فاخره إنتي
يا بنيه يا معجونة إنتي
يا حارة يا لهب المخابز
يا خميرة وسط العجينة
ناعمة زي دقيق الفينا
بريدك انتي ريد محلي
وماهو داخله

ياجماعة .... الشعر بتاعكم دا مستوي خلاص ادونا شوية منو

هههههههه

شكرا الشيخ فرح والاخ دلة وزي ما بقولوا خلي الشعر اقصد الخبز لخبازينو

وتقبلوا مروري

كل الشكر للاخوه الشيخ فرح واشرف علي المرور والتعليق..

سلام يااهلنا
المويه مقطوعه والشبكه تعبانه..
وعندنا وظيفه شاغره لمهنه سباك..
وشايف طلب وظيفه مقدم علي مكتب السيد المدير
يرجي النظر فيه...
وشكرا

السباك

خط ريدي ليك زي صرف المجاري مااظنو يسلك

وعشان خزانك في اعلي دور بجيب موتور واريتني اصلك

عاوز اقيس نبض المحبه كم بوصه محتاج واقرط علي وصلك

عاوز ريدي ليك يبقي نافوره وسط ميدان او دش بالحنان يبلك

جريت خرطوش موده من بير هواي ياريت الاهتمام عني يقولك

وانفجر فيني نبع الحنان واكيد مابنفع بلف في ريد الزيو مثلك

اصلو الريد معاك زي ماسوره محلوجه وما تنتظر عطشان يدلك

والله ابدعتو في الاختيار هههههههههههههه مبالغة والله ... كلمات جميلة جدا ومتناسقة مع المهن

مشكور اخي عبد الفتاح
ياريت تشاركنا في القصايد..

عدنا من جديد وعاد معنا طلب الوظايف
والطلب ده خاص وعليهو توصيه مشدده
لانه يحمل اسم الشاعر..
ارجو من السيد المدير عدم التشديد في البيانات..

الشاعر

بقيت ماعارف ايه الفرق بين القديم و بين الجديد

مع ان الفرق في الغزل بينهم ماواضح شديد

خلينا من الفرق ونسمع حكايه الشاعر القال بريد

إنشئ تعبير وربط الحروف وليك اهداها عقد طراز فريد

عشانك امتهن الشعر وصاغ الكلام يالف ويجيد

لون نظم القوافي ابتكر تنميق المعاني ينقص ويذيد

وزن الكلام وابدي الغرام وضح الفرق عرفو البليد

ظهر الفرق بين صناعه الجمل وحب الجمال البينهم توحيد

حب الشعر من حب الكلام وحب الجمال بطلع قصيد

حب الجمال ضيع كتير والفقد العقل في الامثال عديد

حب الشعر جذب العقول يقتل خطاء من غير يصيد

قلب الشعر في عقل الكلام يسوي الصغيره بيت القصيد

وقلب الفواتن في اصل الجمال يعوسن الدنيا عوس العصيد

يرمن خلوق يبهدلن امم يسيل دم العشاق بلا تفصيد

يجرن رجال يزلن مهن يفرحن حزين يشقن سعيد

قدام الحسان ملقيه الرتب ومبلوع كل لسان لميض

مافي قدامن طبيب لا مهندس لا سياسي ولا عقيد

الكل طالب الرضي وتسلك امورو من غير تعقيد

خلاصه الكلام الطبيعه ساريه ينتهي غرام ويبداء واحد جديد

مره ابيض ومره اسود مره الدنيا تلمك ومرات تسوقك بعيد

وبقول الشاعر لاصحاب المهن حالتي زي غيري ياها حالة البريد

لكن فوق الريد بنسق كلام وانظم درر بكون معاني وتعبير شديد

بوصف شعور العشاق اصور الاحساس بالخيال زي ما اريد

وبهدي القوافي لكل عاشق منظومه فرحه في كل مناسبه وفي كل عيد

وبهدي الحبيبه مليون سلام وكلمه بحبك ياريت تصل وياريت تفيد

اي ابداع وراهو انتي وحبك قدر فيني دخل من غير مواعيد

والله ابداع يا شباب و حاجات روعة...
انا مبسوط انو نحن ما برانا هنا..معانا شعراء وبي خامات مختلفة كمان,دارجي و فصيح..مجادعاتكم زي ال rap ...

عباره جميله ومعبره ياامجد(نحنا ما برانا)
فعلا نحنا مابرانا لما نكون مع ناس زيكم
ويكفينا وجودنا معكم..
لك الشكر اجزله
ودمت..

استاذنا الشيخ فرح
عاوز تصريح زياره ولي شنو؟

طولنا من كلامكم يا ناس...شكلو كده العيد شغلكم
و نساكم انو في ناس هنا عطشانين لي شعركم...

رجعنا تاني وانتو معانا

وجانا طلب التاجر تاجر تفتيحه وكمان شاطر...

تاجر غرام

بشتري ريدتك بالجمله *** وبقبض كاشات هواك في الاول

وابيعك انتي لي قلبي قطاعي *** واريدك زي سداد دين طول

اخزن حبك جوه غلال دمي *** بي ريدك اقول اتقل قلبي واتمول

ارص حبك فوق رفوف احساسي *** وشيكات الريده تلف وتتدول

اسهم شركه غرامك فيني تذيد *** وسهام عينيك تخليني داير اتجول

تتضاعف ارباحي بي لقياك *** بي عواطفي لي سوق جمالك اتحول

اجرد خواطري فيك كم دونت *** القاها خسرانه فارقه اسكت ومابتقول

ولما يتراكم حبك ديون وضرايب *** اقول انساك اعلن افلاسي واتسول

اجمد تجاره الريد اسويها وهميه *** تبقي غش في غش وناسي الموقف الهول

هههههههههههه
جمي ي ي ي ي ي ي ي ي ي لة جـددددددا منّك يا دلِـــة

بااااااالغت مع التاجر
إبداااااااااااع والله كنت ذكي جدا في إختيارك للقافية ولمن فتحت القصيدة بعبارة ( الاول ) والتي تشير للحب الخالص النقي مؤكـدة بقول الشاعر ما الحب إلا للحبيب ( الاول )

حيرتني والله معاك ومع الاسم اسهم التجارة وأسم النظرة مقارنة جد إتوفقت فيها وربط محكم ما فيه أي خلل .

وأقول بنفس القافيـة

ما عارف ليه بنية الشعر لم تراودني لييييييه .... توقع مني اتفاعل معاك من جديد أرجوا أن لا تقف عن الكتابة وتاكد إنني أتابع معك حرف حرف ...

واعذرني إذا جف مـدادي قليلاً ......

المحامي
كم يدعي حب الحبيبة مــدع * * * في جلسة مرفوعة بالأربع

ولدي من قول العدالة حاكم * * * إني أحبك والشهود بأدمع

مدرس الرياضيات

إني أحبك حب السـين للصاد * * * فأنت للعمر تبسـيط لأعداد

جمع الأحبة عندي خيرمسألة * * * فكيف أجبرعندي كسـرك العاد

في قسمة اللــه أرزاق لنا طرحت * * * ويضرب الله أمثالا لمزداد

جذر المحبة تربيع لعشرتنا * * * وجدول الهم عندي رائح غاد

الفوال

حبيبتي بعينها قلابة * * * تجرقلبي جرة الربابـة

تميس رقـة بكل صحـــف * * * قمراء تملي رغبة الغلابة

راعي غنم

أهش الذئب عن عينيك بالعصــا * * * ياخيرمن يمشي على الحشيش والحصى

صاحب بنشر

لقد ملأ الهوى قلبي هواء * * * ونسم خاطري مسمار طرفك

تدوربي الهواجس دون جنط * * * على عجل أفتش حول حزمـك

تحيرني عفاريت الليالي * * * وألقى الحل في تبديل بلفك

مدرس العربي

ولكم رفعت لأجلك المكسـورا * * * وجزمت قولا في هواك جسـورا
كيف التصرف من فعال جمعها * * * يثني صحيحا أو يعل صبورا

حتى المنادى لست أفهم وصفه * * * مادمت أنصب من مناي قصورا

ساعاتي

خراشة أنت يا حلم السويعات0000000000 دقيقة اللفظ تشفين الجراحات

إن كنت في السيريا عمري وصنقله000 فلتضبطي الوقت كم يغدو وكم يــات

تأملي الدرب إما عدت ثانية 000000000فللعقارب صولات وجولات

مصور

حمضت صورتك التي أحببتها * * * ورأيت وجهك مشرقا بفلاش

يديك العافيه يا استاذنا

كلامك هو الربح الحقيقي من حاصل تجاره الغزل الحلمنتيشي

في الشعر..وبي وجودك معانا ذادت اسهمنا وتتضاعفت اضعاف

رعاك الله وانت تبدع وتحقق وتقف تشد من ازر صقل المواهب

وان كنا تلاميذ مدرستك الادبيه التي مابرحنا نستشعر رقيها وننهل

من رحيقها المختوم ونستمد جزيئات من اصلها الوافر..

وانت لم تترفع عن النزول لتوشحنا بكلمات جميله تقوي فينا الاستمراريه

وان تكون هنا معكم...

ودمت

المبدع دوما ود ابو عركي

جفوتنا حقبا
وذدتنا تعبا

ارجو ان تكون بخير

ما شاااااااااء الله يا ود ابو عركي كلام والله جميل مكسب لينا في البوست

جمع الأحبة عندي خيرمسألة * * * فكيف أجبرعندي كسـرك العاد

****
حكمـة والله إبدااااااااااع

وظللت اضرب اخماسي في أمثالها *** فربع القرن كان أكبر الاعداد
جمعت العمر كله في حبها *** وطرحت همومي فزاد إسعـادي
فكنت حولها أرسم دائرة *** ونصف القطر كوني والابعـاد

خلاص وقف حمار الشيخ في العقبـة

السيد المدير
كنت داخل الوزاره لاقاني( جنايني) يحمل طلب وظيفه
استلمت منه..وهذا هو الطلب بين ايديكم
وشكرا

الجنايني

بحبك زي تربه طينيه قرير *** بذور الريده عليها عنوان

بشتاق ليك شوق شتله عطشانه *** ذايبه ثمل عشق وحنان

اريدك ريد الفراش للجناين ***حبي ليك حقيقه لا حصل ولا كان

اعزك زياده معزه حديقه ناضره *** اعشق جمالك وخضره البستان

بريدك زي محصول سنه طابق *** غرق قلبي فاض خير ماخلي مكان

بفرح لما اغازلك انتي بطعم الفواكه *** مذاقك اثر فيني جد بكل اتقان

انتي منقه وانتي عنبه وفراوله *** انتي موزه و اناناسه وجوافه والرمان

عاوز اشجار غرامك بسرعه تنمو *** بالريده تكبر في حته مافيها سكان

داير هوانا ينجح ابد يرمي الثمار *** مايطولو طير ولا يطولو حيوان

دايما بريدك في نجاح مواسم حصادك *** تعقيل وتطعيم في غايه الامان

جوده حلاتك جاهزه للتصدير *** جوه قفصي الصدري احفظك حب وادمان

قوامك ارتفاع حاكي طول النخله باسق *** ولونك اصيل فرع ليمونه رويان

احساسنا بيك شارب الفه طبيعيه منك *** غرامنا شبه نوع في المحبه صنوان

وبخاف عليك كتير من قسوه الطبيعه *** نفسي اسورك اامنك من ظلم الانسان

لافته شعارنا اوعك تقطع صفقه شجره ***حكمتنا البادي اظلم كما يدين يدان

ما شاااااااااااااء الله ده نقبله عندنا مدير عام الغابات ههههههههههههههه

عاوز اشجار غرامك بسرعه تنمو *** بالريده تكبر في حته مافيها سكان

داير هوانا ينجح ابد يرمي الثمار *** مايطولو طير ولا يطولو حيوان

دايما بريدك في نجاح مواسم حصادك *** تعقيل وتطعيم في غايه الامان

********

خطاب المدير للجنايني هذا وتوقيع المدير العام ..

إشارة إلى رسالتكم الجميلة ( الطاعـمة المذاق ) ذات ( النكهـة )الشعرية التي لمسناها في طلبكم أعلاه ، لا مانع لدينا بأن نعينكم كمسؤل عام في الحدائق والغابات ، ونأمل أن تكون ترقيتنا هذه بمثابـة تحفيز لكم للمواصلـة . و( خضّر الله ) ضراعـك و أناملك ، (وأسقـى ) يراعك من معين الشعر والثقافـة .

هذه وتقبل مروري

يعيش المدير العام
ودامت سلطتكم علي منابر لابداع وطال جلوسكم علي الكرسي الذهبي

الجنايني وشو نور والندي تقطر من بين عينيه
وكاد ان يحصد عمره من شده فرحه بالمنصب
لو لا الدرع الاخضر والتروس النباتيه
والجذور الشعريه التي شبسته في الارض
واعتلت به الي عنان السماء

الرساله مصحوبه باقات ازهار و ورود

ضمير ابيض وقلم يسقي كل امل موعود

ليكم سايقانا سفاين شوق القوافي ليها تقود

واعتزازنا ان اي ابداع في الدبيبه مولود