قصيده فخر للدبيبه الحبيبه ولود كباشي ...؟

سلام عليك يا ود كباشي ..... الرجل الكلامه متواسي
ود الدبيبه الاساسي .......... الرجل القلبه طيب وصافي
بابك مفتوح للقاشي والماشي .... ود العذ يا ود كباشي
لو اكرمت مابتباهي ......... ولو جاوبت جوابك شافي
سالت عني يا ود كباشي ........ اعرفك بنفسي لاني كنت مافي
انا عربي ود اصول ........... ونسبي بمتد للرسول .ص.
بقول النصيحه كان مكتول ...... من الدخينات والجزيره وتمبول
لو جانا الضيف بندق الطبول .... وبنضبح ليه بدل عجل عجول
برحب بيه كان قعد معانا للحول ... وما بنسمعو كلامآ مو معقول
ناس حاره يا ذول .......... وفي الحاره بنصول وبنجول
وكمان حفظت قران ............. وجدنآ ود ابو جكه الفي ام ضبان
بنقني وبنهتف للسلام ............. وما فينا ذولأ جبان
مشهود لينا با الاحسان ............ في طبقات ود ضيف الله من زمان
اهأ يا ذول عرفتني انا الانسان ..... ولا اذيدك كمان وكمان
و والله حبيناكم في الله .............. ياناس الدبيبه اهل النيران
نا ركم توقد للفجر وقت الاذان ...... لا بتكلو ولا بتملو من الضيفان
بتقيفو مع الزول المحتاج وعيان .... والبكون معاكم بكون في امان
ناس تب مافيكم كلام ...... والله بنقول عليكم ناس تمام
مع تحياتي يوسف ود الدخينات.

حباب يوسف المسمي علي البادراب
نحن اولاد ودبدر وجدنا لارباب
معروفين قبيل منولع التقاب
ودابوجكه جدنا مودايرله حساب
نحن اولاد سعد صاحب السيال
الضيف نكرمه وما بنكيل ليه بي كيال
بعد كدي عرفت والاازيد في الموال

تحياتي ودالضيب

ما شاء الله

ابشرو بالخير هييييييييييع

هلا هلا

والله ابداع ابداع يا يوسف ويسلم لسانك وتقبل تحياتي ومروري.

[quote="mohamed ahmed dafaalla"]حباب يوسف المسمي علي البادراب
نحن اولاد ودبدر وجدنا لارباب
معروفين قبيل منولع التقاب
ودابوجكه جدنا مودايرله حساب
نحن اولاد سعد صاحب السيال
الضيف نكرمه وما بنكيل ليه بي كيال
بعد كدي عرفت والاازيد في الموال

تحياتي ودالضيب

شغل نضيف ياودالضيب ماكان تتمه يااخي

يالله ياجماعه اطربونا شعراء في الفراسه .

--------------------------------------------------------------------------------

ود الدخينات
مشكور على الاسطر الاولى من كلامك واظنك بتعرفنى تمام بس انا برضو ماعرفتك وماتاخد السؤال بزعل لانى بالجد مابعرفك ولا حصل قابلتك وبعدين كان انت بادرابى وود ابجكة جدك يعنى قريبى وبما انك قريبى لزم على ان انبهك كأخ بان تترك اصحاب الشأن بالتحدث فى امورهم (الدبيبية) لانو اهلى ديل انا عارفهم كويس وانا منهم الواحد تضربو فى راسو ولا تقول ليهو الدبيبة كذا والحمدلله انو مافينا شى يتقال وبعدين تريث فى نقل المعلومة من الرواه والاصدقاء لانى عرفت انك راجل محب للدبيبة فمرحب بيك صديق واخ عزيز فى منتداك وفى بلدك الثانى الدبيبة

مشكور علي القصيدة الجميلة