حنة محاسن الما شالت

حنة محاسن الما شالت
لقيتو قاعد جنب باب الشقة حقتو جنبو أنبوبة غاز ... متفن في واطة الله
سلمت عليهو إزيك يا أخينا مالك قاعد هنا ؟
عاين لي وهو ياشر بايدو علي الشقة وقال لي الشقة مقفولة وأنا ما عندي مفتاح المفتاح جوه أصلها محاسن قاعدة جوه لكنها متحننه وما دايره تقوم وتخرب حنتها قالت لي أنتظر لحدي ما الحنة تشيل وأخرتها وبعدين أجي أفتح ليك الباب
أها أنا قاعد وراجي الحنة تشيل ...
لكن يا جني الحنة بشيل في كم ساعة ؟؟؟؟؟


عاينت ليهو وكلي شفقة علي هذا الزوج الأليف الوديع الذي أبدع الفكي بتاع محاسن في أن يخلق منو نعجة وقلت ليهو والله يا أخينا شيل الحنة ومدتو بتوقف علي عوامل كتيرة لكن أهمها نوع الحنة والمحلبية والصبغة .
إنتهيت من نضميني وشرحي الوافي عن العلاقة بين شيل الحنة والمدة الزمنية لذلك وعاينت ليهو ولقيت الهم عصف باين علي وشيشو وعلي وشك أن يزرف الدمع الثخين قال لي تعرف الحنة نمرة واحد جايانا مخصوص من الدامر والمحلبية أصلية ميسو محاسن ما قاعدة تستعمل الصبغة عندها حساسية الله يحفظها ويغطي عليها من عين الناس وبطن كرعين محاسن صلاتي علي النبي ما جضوم ليلي علوي وداخلات في سفنجة يعني بي نضمك دا حنتنا عشان تشيل دايرة ليها ثلاثة ساعات وأنا ماشي الشغل كيف الحل؟؟؟ قلت ليهو طيب يا أخي كلمها وخليها تفرتق الحنة وتقوم تفتح ليك الباب . عاين لي بإنزعاج وغضب ونهرني نهرة : يازول إنت ما نصيح ؟ داير حنتها تخرب وتطلع شينة والنسوان يقعدن يتقارصن ويتونسن بيها ؟ يا أخوي كلو شيء ولا زعل حسونتي دي إنشاء الله يرفدوني من الشغل بس هي حنتها تشيل وتطلع سمحة .
وإتلفت علي باب الشقة وقعد يكورك محاسن يا محاسن ما شالت؟؟؟ وجاء صوت من الداخل وكأنه صوت عسكري الحركة وبحدة شديدة قالت ليهو : يشيلك التمساح.. ما قنا ليك لسه كرهتني الحنة زاتها يا أخي . زولي هنا قعد يبلع في ريقو وضحك وعاين لي وقال: والله الله يهديها بس عصبية خلاص إلا طيبة طيبة والله وحنينة .
لملمت بعضي ونزلت ثلاثة عتبات إلا وأسمع ليك أخونا يغني ويدندن
الزول السمح فات الكبار والقدرو
كان شافوهو نوع دا كانوا يعزروا
وأنا متأكد إنو قاصدني أنا

يا مضوي ما تقول دى انا واعمل حسابك انت قربت

هههههههههههههههههههه ياخى محاسن بالغت عديل كدا فقيرا قوى شديد
الله يستر لينا من النسوان

عفيت منك يامحاسن حكم قرقوش

والله دى صعبتها شديد
عههههههههههههههه
مشكورة يا صديقة محاسن
لكن زولتيك دى منا خوف!

وين يا ليلي
ليك زمن . الظاهر عليك كنتي محننه بس حنتك طولت وياريت تكون شالت
اشان تفتحي لينا باب المواضيع ال الحلوه دي بس ما تنهرينا
دمتي بخير

محاسن صعبه, عمك رجف من كلام النسوان, هههههه, مشكوره كتير

كلو شيء ولا زعل حسونتي دي إنشاء الله يرفدوني من الشغل بس هي حنتها تشيل وتطلع سمحة .

يا ليلى شايف زهرة الصحراء مبسوطه من الكلام ده,كويس انو قصتك كشفت لنا نوايا بعض الناس ههههههه
انا بهظر بس

خلاص يا اخوانا الحمد لله الحنة شالت

شكرا للردود الجميله وكما عجبني الموضوع عجبكم ايضا
والله اكون في عون الكل

الحمد لله على السلامة يا محاسن اقصد ليلة
ههههههههههههههه

الراجل ده اكيد صاحب رايه كبير زى ابوى محمد عبدالله الله يرحمه ويحسن اليه كان الواحد الزى ده بضمه لجماعته هههههه قصه لذيذه مشكوره من زمان مخبيه الدرر وين

الزول دة قاعد يقول مع الشاعر...........
......شوف حنيناتن......... البشبهو المرجان فوق بنيناتن
......انخطف قلبى بى عوناتن....العريس يا اخوى كوسو بيناتن
اظنها البتشبه المرجان دى حنة محاسن.......لكن زولنا قلبو ماكن....ما سمع بالمسيار؟؟؟؟؟
تحياتى ليلى

ياشيخ الحبر تقول الراجل ده ماسمع بالمسيار ههههههههههههههههههها قال مسيار والله موش تشيل اطبقوها خمسه مرات وعمك يكون منتظر وإن شاء الله الحنه تشيل رأفة بالزول ده


تحياتي ودالضيب

انا بموت فى الحنة لها فوائد جمة اول حاجة بزيل الجوفة وبجيب المحنة وتانى بجمل المراة بزينتها الكاملة وكححححح ههههههههههه الرجل بتودر الرطوبة وبتعرس للطرفين ويامحاسن منك مخافة الراجل المسكين طلع جماعتنا ياعلى علوب مراة صعبة وعسكرية كمان وياليلى ماك هينة جبت موضوع مهم وعجبنى وناس حنة التاج فيها كلام طلعت حنة سورنامية100% والمئة بى 100 ههههههههههههه شنو ليك

غايتوا الحنة الضوقتى ليه ,والله ياليلى حنتك يشيلا الله ,بداية جميلة منك ,يلا واصلى ماتنقطعى,مرحبا بك عضوا مشاركا فعالا