بنت نجيضة...ادبت حنكوش

وانا اقلب فى دفتر قديم لقيت القصيدة دى ما عارف اسم الشاعر لكن عجبتنى البت الادبت الحنكوش ابو عين طائرة
وطيرتو ليك من دروب الريد وعملت لى نفسيات ف الى القصيدة
.........فى درب الريد
........ كم شاققت .واتفولحت..كم غنيت
.......كم مقلبت..كم ضحكت..كم بكيت
.......وكنت الفارس المنصور
.......انا الشبكت خط العرض وخط الطول
.......انا الهباش..انا النهاش..انا الخترى
.......اصيد الهاوى شاقى الجو..واصيد الارضى والبحرى
.......انوع فى مطايب الصيد..اصيد البحبى والبجرى
.......مخازن فل.............نكات بالكوم
.......مهذبة للعفيف وعديل..مكهربة للبحومو الليل
.......شباب ورياش .. ورقة ولين
......وخفة دم..........وقلة دين
......دموع تمساح..تبكى الزينة والقاسيين
......غزال الجن..بدون ما يدرى قلبو يحن
......ارمى حبالى فى دربو واقيف قدامو
......امثل دور ..حميل مسكين
...... ويبدآ سلام ..وراه كلام..وكيف الحال ..وكيف عاملين
......سلام....يا اجمل الحلوين
......سلام ياناس..ويا اناناس..صباح الورد والياسمين
......وتسمع هاى..... وتسمع لين
......وهمسة شوق.....وكسرة عين
......وبعد شوية... بيتكم وين ؟؟
......وبعد ايام..وين؟؟ -ليك مدة- مشتاقين
......ومشتاقين..توصل شوشو للسكبن
......ويجى الشاكوش...يصنف شوشو فى الارشيف
......وتبدا القصة فى التكرار
......وكل عويل....بدايتو هذار
......يزين....للفراش النار
......وهاك ياصيد.....وجاك باصيد
......وفى ذات يوم نسايمو تهب
.......مكندش....بى دعاش الرب
.......طريت الصيد
.......وشالنى الشوق على سكة جدى الريل
...... مدردح...مانى راجى دليل
......مسلح ب الخفيف وتقيل
......مدى النيران....يصيب النملة
......ويتصاعد.....يصيد الفيل
......وقولت تيت
......جات الصيدة..وجه جديد
......بسماتا..تضوى الثورة والحلفايا
......تدى الباقى .. لباريس

......وناس الكبكبة السبقونى..رقدوا العيش
...... عيون زاغت....رجول خارت
...... قلوب وقفت....رؤؤس طارت
...... مدحرجة فى درب تاجوج
...... وكت ما بعومو شن وداهم يصارعو الموج
...... وجيتك....يا صباح العيد
......انا الهباش..انا النهاش..انا الخترى
......ويادوب ما بديت ...ب البسمة
......قبل اقدم اوراقى...صباح الورد ماتميتا
.......سحبت ايدا.....صرت عينا
......لفت جيدا
......قالت...........بس
.....تبسى كديسة......ياتاجوج
......عاملة عيونك الحلوات
......انا.......اب شنبات...تقول لى بس
......كما كنت..انسحاب تكتيكى لو ينفع
......اتلفت يمين...لقيت شامتين
.....اتلفت شمال.....لقيت...وس...وس
.....ومن يوم داك...حردت الصيد
..... محل اقبل اسمع ب...................س بس

هههههه حلوه والله يازعيمنا, وينك من زمان , كثر لينا من الزى ده
تحياتى للضحيو ولسه ما رضى انضم لينا؟

سلامات يا مصعب الراجل عمل انسحاب تكتيكى وبرضو لسة يوسوس

وين ياعريس مشتاقين كيمان اخبارك شنو ..ماخلاص مرقت من الشواكيش عشان كدة شمتان فى الراجل
الخلوه يوسوس دة البركة فينا وفيكم فى عمنا عبد الحميد

ليه حق يحرد الصيد قصيده جميله عمنا



تحياتي ودالضيب

edek al3afya ya 7ag

شفت كيف يا ود الضيب دى الحالة بس واحدة حرد الصيد ,لو بس بستو كم مرة كان انتحر؟

شكرا يا امجد قلنا نشرك الشباب فى ذكريات الثمانينات دة واحد من هيئة حلمنتيش العليا فى صورتا القديمة ايام د. محمد عبدالله الريح (حساس محمد حساس) تحياتى

انت مطمئن يا التنى الروسيات ما بعرفن بس..........اشواقنا

وين يا دلة مفقود ومشتاقين......بالله شفت سرعة التصرف ما استسلم لكن قال انسحاب تكتيكى , لكن الشمات كتروا ليه بس

سلام ياجعفر دة ادبتو ادب الحلبى للحديد دق جد تحيات بالكوم

لكن بنتك دى جننتو جن شديد خلاص دى طلعت روحو. مشكور يا عم حبر ومنتظرين منك الكتير ما تنوم على كده والتحايا للتنى عبرك .

تحياتنا يا عمر مشتاقين والله كيف اخبارك سلامك يوصل للتنى ان شاء الله الايام دى اظنو مزنوق امتحانات
( عجبنى للمارقوت ) زى ما بقول المثل ؟ ادب ساكت زولك بكون حوص