ضربة البداية

ضربة البداية
أحب ان اعرفكم بنفسي أسمي روان عمري عشر سنوات هواياتي السباحة التعارف حفظ القرآن الرسم والتلوين والحاسوب،تعرفون انني عشت وترعرعت بعيدا عن بلدي الحبيب السودان وسأحكي لكم كيف أقضي حياتي في الغربة لدي الكثير من الصديقات فأنا احب صديقاتي كثيرا فهن موضع ثقتي ووفائي والصباح اذهب الى المدرسة وفي العصر اذهب الى مركزالطفل فيه العديد من الأنشطة والأقسام مثل قسم الرياضة..الثقافة..الحاسوب..الفنية..البراعم..التربية الإسلامية والعلوم وبفضله نمت لدي العديد من المواهب وفي مدرستي تحبني الصديقات والمعلمات وعندما اسافر الى السودان اكون متشوقة للقاء اهلي واصدقائي وقد صادفت في اجازتي الأخيرة اول يوم من رمضان لأول مرة في حياتي وقد كانت امنيتي وما زالت ان احضررمضان والعيد في الديببة ولكنني حضرت يوم واحد فقط فى رمضان يوم مازالت ذكراه فى عقلى فقد كان اجمل يوم فى حياتى يومها حضرن البنات فى الدبيبة واقمن لى الكوير وداعا لى وبعد الكوير غنو اغانى اول مرة اسمعها مثل
((يا روان تعالى قوقن لى قمارى))((يا رمضان جيناك وجينا نسحسح بوراك))
وبعد ذلك لعبنا((بمبة وشدّك))وبعدها حكينا النكات والفوازير وذهبت كل واحدة الى منزلها وانا احب بلدتى الجميلة الحبيبة الدبيبة وفى الختام ارجو ان تكونوا سررتوا بمعرفتى الى اللقاء فى مشاركة قادمة.

ربنا يحفظك يارونة عسسسسسسسسسسسسسل بس والله, رجعتينا لي زمن جميل وبلده اجمل (يارمضان جيناك وجينا نسحس بي وراك) ,وتشرفنا كثيراً بمعرفتك صغيرتى وننتظر حكاياتك وقصصك التى سوف ننتظرها على احر من الجمر,وان شاء الله ربنا يردغربتنا ونرجع للحبيبة الدبيبة فى اقرب وقت .
لك كل الود

شكرا خالتو مفارقة وانشاالله نمشى السودان ونقابلك هناك

_________________

ماشاالله عليك انت بنت فالحة وتقية مثل والديك انا سعيد اتعرفت عليك

شكرا عمو اباذر وكلامك جميل وبابا قال لي دة صاحبي وحبيبي وانا شفتك لما جيتنا
في الذيد

احلي بوسه لاحلي روان, ماشاء الله عليك, تشرفنا والله

زى العسل يا روان ربنا يرد غربتنا كلنا عشان يستمتع جميع الاطفال ويغنوا
يارمضان جيناك وجينا نسحس بي وراك وليك الف بوسة يا روان

وكمان ياروان احلي حاجه لو لعبتي اريكه عميا
ماشاء الله عليك وتسلمي من كل شر


تحياتي جدو ودالضيب

ما شاء الله بنتنا روان ساكتة وانتي عندك كل المعلومات دي بنشكر المنتدى الاكتشف موهبتك العظيمة ربنا يحفظك ويديك العافية.

ما شاء الله عليك ياروان وربنا يحفظك ويحقق ليك كل امانيك.

شكرا عمو كربر ولك مني افضل التحايا وسلامي لكل الاهل

شكرا خالتو عليابية على البوسة وإن شاء الله نرجع لبلدنا الحبيب الدبيبة

شكرا عمو مصعب وإن شاء الله تتوفر لكل الاطفال فرصة للذهاب للوطن الجميل والغالي .

عمو عبدالناصر حتشوف المزيد من مشاركاتي وحتعجبك شديييييييييييييييييييييييييييييييييد

عمو ناظم شكرا لك وحأوعدك بمزيد من مشاركاتي الجميلة في المنتدى

روان ما شاء الله عليك ذكرتينا رمضان عايزينك تكوني معانا ومع صاحباتك رمضان الجاي دا عشان ( تكوري معاهم ) وتلعبي الالعاب الجميلة وربنا يحفظك روان

إن شاء الله حاكور معاهم يا عمو اشرف بركات-

ما شاء الله ضربة بداية موفقـة بإذن الله ، وفكرة تلتحقي بالنوادي الثقافية دي مهمة جدا وأنا أشجع كل والد وام داخل وخارج السودان بإتاحة الفرصة لاطفالهم إذا أمكن وضمهم للنوادي الخاصة بالمهارات والتدريب مثل قصر الشباب والاطفال في السودان وغيرها في كل بلد والجاليات ما شاء الله . هذه المراكز والنوادي تساعد في إخراج جيل أكثر وعياً بإحتكاكهم بمن هم في سنهم وتبادل المهارات وإكتسابهامثل :-

( ألعاب القوى ، ركوب الخيل ، التصوير ، رسم ، خط ، سباحة ، تمثيل ، تدريب إعلامي ، موسيقى ، مسرح ، الخ ) .

هذا بجانب اللغات ( انجليزي ، فرنسي ألخ ... واهمها تجويد القرءان الذي اركز عليه بمجرد تعليم التجويد يسهل على الطفل تعلم أي لغـة وبنطقها الحقيقي .

ربنا يوفقك يا روان ويحفظك لوالديك ويحفظ والديك لك .

تخريمـة : إذا مشيتي السودان مرة تانية في لعبـة جميلة اسمها أ آآآآآآ أأأأأ غياظة بطلعوا ليها اللسان ههههههههه خلي بابا أو ماما يشرحوها ليك ههههههه


تحياتي ،

كلامك جميل يا عمو زاهر اعجبت به واللعبة ماما فهمتها لكن انا عرفتا

حلوة منك يا رونا
وضربة بداية موفقه إن شاء الله

ما شاء الله عليك ياروان وربنا يحفظك ويحقق ليك كل امانيك