أتصـــــــل عــــــــــلي !!!

الرنة ... ما مشكلة ... حتى نص رنة عادي.... لكن المشكلة في كلمة اتصل ..... الموبايل يرن حتى تفتح السماعة لتجد كلمة واحدة ....... أتصل ..... وكك يقفلو الخط ..... وتبقى انت في الجقلبة والجري لتعبئة الرصيد عشان تعرف الحاصل شنو ؟ ... ولمن تتصل وتسأل ان شاء الله خير ؟ يجيك الرد بكل برود .... لا ما في حاجة لكن عايزين نطمئن عليك ..... بالله عشان تطمئنوا علي .... تجيبو لي الشلل الرعاش وتزيدو ضربات قلبي ..... ياناس حرام عليكم .... نلقاها منكم ولا من الغربة ....

السؤال هل مر عليكم مثل هذا الموقف ؟ اها يا جماعة فى هرد فشفاش ذى دا

والله يا ايمن كلامك مليون المية, والواحد لو جاتو مس كول ساى بضرب جقلبة. والحمدلله الواحد لما اهلو يكونوا واعين للنقطة دى بريحوهو شديد.

هع هع هع هع موني يا عجيب أخشى يكون ده الفنان ود الصادق اللي بمسكل ليك ده وهايز اللاب توب كمان هع هع هع انا جني وجن المسكول وخاصة لمن ما يكون عندي رصيد ويتكرر ده ورا دة بفور دمي لكن إذا بقى اكثر من 10 مرات خلاص بتجيني القفلة واقول الحاصل يحصل لانه ببقى مثل اللعب ... تتذكر لمن واحد اخونا اللي حكيت ليك عنه كان فرحان بالموبايل الجديد ولم في رقمي وهاس يا مسكولات الساعة واحدة صباحا الظهر في اي وقت لكن قمت عملت خاصية تحويل المكالمات للفاكس تبع الشركة وبي كدا اكتفيت من شرّه وخليته يتهري بي صوت جرس الفاكس .

ارجع واقول برضو الواحد ما يطنش خالص إحتمال الموضوع فعلا يستاهل الواحد يتصل عليه إمكن مزنوق شديد لا سمح الله ، وحصلت مواقف جماعة انهار عليهم مبنى والبحث عن الاحياء اخد مدته وبدأ اليأس والكف في البحث عن مفقودين بمضي ثلاثة ايام ولكن تفأجأ احدهم بان يستقبل مسكولات من واحدكان تحت الانقاض بحث لم يستطع التحدث لانه لا يتسطيع ان يقرب يده إلى أذنه من شدة الزنقة اللي كان فيها إكتفى بالمسكول لاختيارة لشخص في القائمة عنده في موبايله وبالفعل تم إنقاذه .....

مشكور واسف على الاطالة هع عارفك جنك وجن الاطالة ما طوااااااااالي تطول ...

واقول ليك مشتاقين يا غالي

كلامك صاح يا ناظم لكن تقوووول شنووووو انا اتصل على واحد الزووول دى حبو

مسكوووول فى اليوم والله عشرين مسكووول اتصل فلان مالك فى شنو والله عاوز اتونس معاك
اها تقول ليهو شنو دا تشكر يا ناظم

اهت الهيب جااااااااانى والله كلامك فى محلو يا الشيخ لكن الواحد

ما يكتر شديد كده كل ما تكتر بجيك الخلعا تقعد تكوس فى الرصيد

والله شوقنا ليك ما بتوصف الايام ما فاقد احم احم احم هع هع هع

كلامك صاح يا موني ودا شئ يجنن فعلا ويكره شيل الموبايلات ونوعية ديل لديحين لداحة وعديمي الاحساس

كمان ماتنسي بالنسبه لينا نحن هنا مع فرق الزمن تكون خلاص روحك طلعت لحين تتصل بيهم وتعرف انه للاطمئنان تقول ياريت لو ما اطمئنوا علي خالص لانه بعد مرات تصلك المحادثه وتكون عندنا هنا الساعه 3 او 4 صباحا

تحياتي

الحمد لله نحن في السودان حمتنا بسيطة لكن برضو بنعاني من مسكولات الساعة 12 بالليل
ودي أنا جني وجنها تصحيك من عاشر نومه

والله فعلا اخي ايمن عملية مقلقه جدا وخاصة للمقيمين خارج البلد بتخلي الواحد فينا عايش على اعصابه وتقبل مروري وتحياتي

والله ياشرنوبى لداحه شديده خلاص تشكر.

صاح يا ود الضيب فروق الوقت مشكله عندكم دى اسباب

لو جاك تلفون ساي تقول اكيد فى شي الله غالب

لك التحية يا غالى ..

العوج الدرب تحياتى لك والله دا شي غريب جدا

الخلو شنو المسكووول دا جنن الناس كلها .

اكيد يا ود ابو عركى لكن فى ناس عديمه الاحساس

لك التحية والتقدير.