حتة للمساطيل

مشكور مضوي ع المرور

thanks

هاكم دي :-

مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة




مسطول احوص دايرين يشنقوهو سألوه: امنيتك شنو؟
قال: اشوف نفر واحد بس

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة


مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟

مسطول سايق تاكسى واحد وقفو قال ليهو: نادى الأسرة من فضلك

رد قاليهو ناديهم براك



مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق


مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري


مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص



واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة

مسطول سالوه ما اصغر شئ في الدينا
قال ليهم
شامة في ضهر نملة



سألوا مسطول عن اكثر زول صبور قال واحد منتظر نانسي عجرم في قناة اقرأ



واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت

واحد مسطول رجع بيتهم ما قادر يفتح الباب نادى لي ولدو قالو مين ؟رد عليه انا ابوك الباب ما فتح معاي، قالو ارسل ليك المفتاح ؟ رد لا المفتاح معاي رسلى لى خرم الباب



مسطول فتح الثلاجه شاف الجلي برجف، قال ليهو ما تخاف داير اشرب مويه بس

مسطول دخل مستشفى خشى عنبر لقى واحد عندو شلل رعاش.
والتانى مركبين ليه درب
قال ليهم دة مستشفى شنو ؟
فيها مريضين واحد شغال هذاز والتانى فى الشاحن


اثنين مساطيل جالسين امام المرآة .. واحد منهم يسأل الثاني ، واخذ بالك من الاثنين إلي قاعدين هناك دول ؟ الثاني وقف يشوفهم وقال لزميله خلي بالك واحد منهم جاي علينا ....



مسطول سأل صاحبو قال ليهو: الشيء البقول ناووو وبطير ده شنو؟ قال: كديسة وشايتنها شلوت!!



مسطول سأل مسطول: أمك حية ؟ قاله : لأ عقرب .. قا له لأ قصدي عايشة !؟ قاله لأ فاطمة :d :d :d :d



قال ليك فى واحد مسطول المطره جات رمت باب البيت


( الباب كان بفتح لى جوه )


أها قام ركّب الباب غلط ( يعنى خلاهو بفتح لى بره


أها تانى يوم جا البيت متأخر شديد زى الساعه اتنين


دقّ الباب .. جات بتو نعسانه فتحت ليهو الباب


عاين ليها شديد وتاح قشطا ليك كف كنتى وين لحدى الساعه اتنين:d :d




في مسطول قاعد جنب ست شاي: قالت ليهو : أديك جبنا؟؟؟
قال ليها: والله ما عارف، لكن الجداد جا نزل الطوب حسي ومشي

نكت جميلة تسلموا

ههههههههههههههههههههه هاكم دي
مسطول قبضو بتاع الحركه قام المسطول قال ليو مالك شايفني لافيه غلط

مسطول دخل الحرم الشريف لقى واحد بيصلي بعد مانتهى من الصلاة قال ليو (حرماً)

مسطول طلى ربع جدار المنزل بوهية وكتب على الباقي إلخ....

--------------------------------------------------------------------------------

+
----
-مسطول دخل الحرم الشريف لقى واحد بيصلي بعد مانتهى من الصلاة قال ليو (حرماً)

هههههههههههههه حلوه دي (جمعا)

اتنين مساطيل مشوا كلية الهندسة لقوا ليك الطلبة كلهم شايلين المسطرة (T) واحد فيهم سأل التانى - انت الشايلنه الناس ده شنو - داك قال ليه والله ما متأكد ، لكن اظنه ده سيف الجامعة البيقولوه