يا بنيتي حسابك

أمس سمعت بالصدفة أغنية بصوت المغنى الشعبي ابراهيم موسي أبّا بلهجة أهلنا في غرب السودان وبالتحديد منطقة درافور . الاغنية غرضها جميل وموضوعها أجمل فهى وصية اب لابنته يعلمها كيف تعامل زوجها وتحافظ على بيتها .
لحد هنا كويسين وما قلنا حاجة وماله بالعكس كتر خيره وبارك الله فيه ، ولفتة حلوة وجميلة منه . لكن لما تسمع الاغنية تحتار وتحتاس – بالجد فيها وصايا كده مغصتنى مغصة ووجعتنى وجع .
يعني مثلاً بيقول لبته : ( الراجل كان ما ناداك ما تمشي تلحقيه ) !!!! ده كلام ده ؟؟؟ كيفن يعني ما ألحقه ؟؟ هسه كان نسي حاجة وراه ، ولا قول إن شاء الله عيان ونسي حبوبه ما أجري ألحقهن ليه ؟؟؟ و كان نسي يديني المصاريف اها انا اتصرف كيف لو ما لحقته خاصة فى وجود الاولاد .
وتاني بيقول ليها ( الكورة ام قعر تحت عنقريبه ختيه ) مش كلام غريب ؟ وين هنا الالفة والمودة وين الحنان والمحبة ؟ انت مادام بتوصي بنتك علي المعاملة السمحة - دي هسه وصية ليك؟ ليه جريو هو ولا كديسة عشان اخت ليه اكله تحت العنقريب – بدل ما تقول ليها حضري أكلك وجهزي صينيتك وختى تربيزتك وكراسيك عشان تاكلوا مع بعض تقول ليها تحت عنقريبه ختيه ؟؟؟!! ليه الجفا ده وبالمناسبة دي إهانة و عدم احترام بالجد .فاللقمة لا تحلو إلا بمشاركة الزوجين .
برضه من الوصايا بيقول ليها الراجل لو ما جاب قروش ما تسأليه !!! وده طبعا مستحيل ما اسأله كيف مش يمكن بيمر بضايقة مالية ومحتاج وقفتى معاه او يمكن اتفصل من شغله وعايز كلمة تواسيه او بقي يصرف قروشه على الفارغة والمقدودة وهنا دورى انى اوجهه وارشده.
في الحقيقة الاغنية فيها اكتر من وصية جميلة وكتير من الوصايا السالبة والبتصور الراجل ده وكأنه دكتاتور وطاغية على أهل بيته ومتناسي اللين والمعاملة السمحة الاوصي بيها الاسلام.
وصايا تفتقد لروح التحاور والمشاركة بين الزوجين – وحياتهم اسمها (حياة زوجية ) مش فردية. وإلا ما في داعى لتسمية اى من الطرفين بشريك الحياة . هو انا لو ما كلمته وشاركته الكبيرة والصغير فايدة شراكتي لحياته شنو ؟ ولا انا غلطانة

خلاص نهديك أغنية ( خمسة سنين معاك يازينة الحلوين ) لود اللمين ... انتي الوداك تهبشي شنو وتفتحي اذاعة غرب كردفان دي

لسه يا اشرف ما تمينا الخمسة سنة

( الراجل كان ما ناداك ما تمشي تلحقيه ):-

دي معناها بطلي الخفة ياام اشرف!!!!!!!!

( الكورة ام قعر تحت عنقريبه ختيه ):-

دي معناها لمن يكون نايم ماتجي تصحيهو وتزعجيهو ختي الكورة تحت عنقريبو ولمن يصحى

بياكل براو.

الله يكون في عونو ابواشرف!!!!!!!!!

هههههههههه كلامك صاح يا الصبي شايف البت فالت لسه ماتمت الخمسة سنين معناها لسه بدري علي الحياة الزوجية دي خلاص نهديك أغنية وردي ( كبرتي وليك 19 سنة عمر الزهور عمر الغرام عمر المني )

يالصبي ام اشرف بتورينا زوجة مثالية عشان ابقي انا علي البنت لكن زي ماقلت الله يكون في عونه ابو اشرف وبعدين قصة الجري دي هي اتحفت

انت يااشرف بتصدق مكنات ام خلعة دي؟؟؟؟؟؟؟؟؟؟

عمر الزهور شنو ياخي دي عمر الدوم والقنقليز!!!!!!!

والله يااشرف انت راجل طيب ساي!!!!!

نايس انا ذاتي سحبت نسبك لينا لقيت لي عريس لقطة لبتى

ههههههه

الصبي برررررررررررررررضه ما قدرك

والله يانايس بيبي احسن ليك تكون نايس كدة لانو كان ناسبت ام خلعة دي بدل نايس حاتكون

كايس!!!!!!!!

عارف كايس لي شنو؟؟؟؟؟؟؟؟؟

كايس للمخارجة!!!!!

كدي عليك الله ياام خلعة اكتبي لينا عمرك بالجمبة كدة!!!!!!!!

اصلك متعودة تخلعي الناس!!!!!!!!

تبرا وتستبرا من فواز خليها التقعد بايرة اخير ليها

والله يا الصبي الله مرقني انا كنت من قبيييييييييل كايس المخارجة بس الحمدلله اتخارجت وبنتها بتوووووووووور عليها ام خلعة دي

يقرش حلقومك يا اشرف
ويا نايس انا فركشت الخطوبة لاننا ارقى من ذلك

الرقي وينه يا ام خلعة شايله ليك عكاز وساكة السكرتيرة بالحلة وواقفة في الميدان ومضوي قال السكرتيرة بقت تركب ركشة منك ،، بالجد ارقي من ذلك نحن

بركة الجات منك يا نايس بيبي

ام روان انتى قايلاهم هرشونى؟ هيييييييييييييع انا امكم يا التيمان
على قولك ديل رجال مخرفين ساي

عرق اطير لى انا يا اشرف انا عروقى ما عاش البطيرهم جنيت انت رمضان قام بيك يا قول كربر

ام روان ديل روحهم محرقاهم ساي