فوائد قطوعات الكهرباء

قطوعات الكهرباء التي انتظمت البلاد مع دخول كهرباء سد مروي لا تحسبوها شر لكم بل فيها خير كثير لاتعلمونه ، بل الحكومة تعلمه ، ولحرصها على مصلحتكم رأت ألا تحرمكم من خيرها ..

فإلى ملخص الفوائد والموائد :
-- فوائد طبية :
* أكدت الدرسات العلمية ان جميع الحشرات الضارة تموت في درجة حرارة 45 درجة مئوية ، والان تجاوزت درجة الحرارة في بلادنا الـ 49 درجة ، مما أتاح فرصة طيبة للحكومة لتضع حداً لأمراض الملاريا والبهارسيا وجنون البشر بقطع الكهرباء عن الحشرات والمواطنين.
*ارتفاع حرارة جسم الانسان يساعد على استهلاك اكبر قدر من الماء ، وخاصة مياة المواسير الصديئة ، وهذا الاستهلاك يساعد على التخلص من أمراض الكلى والمسالك البولية وكذلك المصابين بها .
*الاحتفاظ بالاطعمة في الثلاجة لاكثر من يومين يفقدها خواصها الغذائية ، لذا تريد الحكومة من الشعب ان يقتصر في أكله على الطعام الطازج المغذي ، او يحافظ على صحته بعدم الاكل .
* قلة الاكل يؤدي إلى تقليل الفضلات والحد من الفاقد من الطعام ، وهذا يؤدي إلى المحافظة على نظافة عاصمتنا الحضارية والقضاء على الذباب الغير موجود أصلاً .

-- فوائد اجتماعية :
*تقليل حالات الطلاق وذلك بسبب ابتعاد الرجال عن البيوت في فترة قطوعات الكهرباء.
*زيادة حالات الزواج نتيجة التقاء الرجال الفارين من بيوتهم بسبب السخانة ، بالفتيات الفارات من جامعاتهم وداخلياتهم بسبب الفلس ، واجتماعهم معاً في المناطق الباردة .
* الحد من الاتجاه نحو استخدام مساحيق التجميل الضارة بالبشرة نهاراً لأن السخانة ستذيبها فوراً وتترك وجه الفتاة (قاعد في السهلة) مما يحقق مبدأ المساواة في تجميل كافة الأعضاء .
* عدم الحوجة لاستخدام وسائل التجميل الصناعية عند استقبال اهل الفتاة لعريس او خطيب بنتهم ، إذ يكفي دعوته مساء يوم قاطع وجلوسها في ركن قصي لا يسمح للعريس بأن (يبحلق) فيها ، ويجوز أن تستخدم أختها أو جارتها لنفس الغرض دون ان يكشفها احد.

-- فوائد اقتصادية:
*قطوعات الكهرباء من المواطن يساهم في تكوين مخزون استراتيجي من الطاقة ، يمكن للمواطن أن يستفيد منها عند وقت الحوجة .
* السخانة الشديدة تعمل على تقليل البطالة في البلاد وذلك بخلق فرص عمل جديدة للشباب في بيع وتوزيع المياة والعصائر في الأسواق وعلى الطرقات.
* القطوعات المبرمجة الكثيفة هي الحل الناجع للجمرة الخبيثة المستخدمة كبديل لعدادات الكهرباء في السودان .
*السخانة تعتبر انجع وسيلة لتنظيم النسل ، والحد من النمو السكاني المخيف الذي أثبته التعداد السكاني الأخير في البلاد ...كيف ! الله اعلم .


-- فوائد سياسية :
المعاناة تولد الابداع في الحكم ، وتفرز لنا ممارسة رشيدة (في ظل طاقة مرشدة) للحكم والمعارضة .
التوقف عن سب الحكومة عبر المنتديات الالكترونية والاكتفاء بالمواجهات المسلحة فقط .
وجود العذر للحكومة عندما تعجز عن عدم تحقيقها للخطط الاستراتيجية بسبب عدم التمكن من اكتمال قراءتها في الظلام .
انقطاع الكهرباء عن المكاتب الحكومية يتسبب في انصراف الجمهور عنها ، مما يخلق سانحة طيبة للسيد الوزير لكي يتفرق لحل مشاكل زوجاته الاربعة بدلاً عن التفكير الايجابي في وسائل جديدة لزيادة الضرائب والعوائد من المواطن.

لو حد عارف اكتر من الحكومة
يقول !!!

مافي والله, في حد بغرف اكتر من الحكومه, وين دا

التوقف عن سب الحكومة عبر المنتديات الالكترونية والاكتفاء بالمواجهات المسلحة فقط .دا للسكرتيره عشان الكهربا لما تقطع ما بتقدري تخشي المنتدي وتهبشي وتعملي لينا مشاكل مع......

كربر يا ابو المفهوميه قلت لي مقتنع ااا

رمضان كريم.

1- قطوعات الكهرباء تساعد على ثقافة الشباب وتنمية معلوماتهم الضحلة وذلك بسبب انصرافهم عن التلفزيون والكليبات العبيطة والافلام السازجة واتجاههم للمكتبات العامة ذات الكندشة العالية والترطيب الصاح .
2- تساهم القطوعات فى المحافظة علي البيئة من التلوث الاشعاعى و الثلوث الضوضائى والذي يصدر من مكبرات الكافتريات فى الاسواق
3- ايضا من فوائد القطوعات ، ايجاد العزر للراسبين فى الامتحانات والسجمانين فى دراستهم بسبب شماعة النور قاطع
4- ساهمت القطوعات اسهاماً كبيراً فى انعش حركة التجارة المحلية والصناعات اليدوية وذلك بتشجيعها لاصحاب الحرف الصغيرة كصناعة حبوبة ونسينى ، المرحاكة ، الافران البلدية و المشلعيب وهذا علي سبيل المثال وليس الحصر
ودي كلها من اقتراحات الحكومة ربنا يخليها لينا لانها بتساعد المواطن ودايما بتفتش لراحته ومصلحته الما عارفها
وتظل الحكومة هى الادري لاننا ما بنعرف اكتر منها

ناظم الله اكرم وكلم ام اشرف دي قول ليه خلاص ما تدق فينا الطااااااااار

مشكوووووووووووووووووووووور
تسلم

ثانكيو ليك

هوي ياود الباشا نحن ماصدقنا اتفكينا من عمران الغمران تجيب لينا الكهرباء الغمرانة.

يا اشرف دي ما فيه نوبه اتا بتهظر ولا شنو
يا الصبي الموضوع دا نزلتو ام اشرف ما عارف عرفت الباسويرد بتاعي كيف لكن اسي انا غيرتو

هوووووووووووووووووي يا رجال هوي فتحوا عينكم دى قدر الفنجان - بس ام اشرف دى الحيطة القصيرة للركوب - وصحي الولد الخال يا ود الباشا انت وود اختك الصبي بتهبشوا الحكومة براكم فى جحرها وتجوا تفكوها فينى انا
وقت ما قدر كلامكم بتهبشوا مالكم ؟؟

هههههههههههههههه هرشتي ديل احنا دي اتي برااااااك ما قريتي الكلام حقك الكاتباو ولا كيف

ود الباشا احسن ليك وخليك قدر كلمتك انت القلت ما انا وبعدين انا بفهم اكتر من الحكومة ؟

اااي كلامك صااااح انا ما غلطك انتي قلتي بتفهمي اكتر من ال...............يعني احنا متفقين

ود الباشا هوى ما تودينا فى داهية

يا الصبي اتا ويــــــــــــــــــــــــــــــــــن دايرين رايك في القضيه دي

الصبي بيحلك؟ قبيييييييييييييل لما قلنا ليك ما تتكلم ساي ويا زول الكلام ده ما صح عملت لينا فيها عنتر زمانك اها هسه بقيت تكورك للصبي؟