مجادعه +الفخر

تذكير بمساهمة فاتح الموضوع :

سلام أهلى الحنان أهل الخصال الجيدة
أحفاد ابوفركه والبريته نعم السيدة
عشان أجر مسدارى تلقانى طاوى البيدا
كايس أهل السدار جاوبنى يا ودالدبيبه

ابشروا بالخير واصلوا ما تقيفوا

ناظم خاف وقعداتعزر
خايف الحكم ويتبختر
حكمنا ليك في شتا وحر
ما بنخاف ولو تتعضر
((ابو روان الاسم الجديد))

مبروك يا صلاح والله ليك عجبنا
البنية الجديدة يارب تكبر وتسعد كمان تتهنا
باقى لك واحدة وتضمن دخول الجنة
البنيات حلوات طاعة وادب ومعاها شايلة محنة

بنتك سوقها حار يا ابو شذى شعر تقيل مبروك اسم روان واحسنت الاختيار

اهلي الحنان اصاله وطيبه
بهز عكازي فوق ناس الدبيبه
فرحانين بي روان ومحنه
ليكم شكري الكتير وعفوا للجنه
((ام روان شاركناك الاسم شنو ليك ))

حباب منتدانا في رمضان
حيا فينا محنةناس زمان
كلامنا فيه قوة وفراسه وشعر كمان
معروفة دبيبةالفن في جميع انحاء السودان

يا ابظيط يا

nazim كتب:

وينو الخوف يا صلاح ياخوى؟؟؟؟

يا ناظم انت قاصد الخروف وله الخوف
اي زول ضبح مجادعه واعتبرناها كرامه بدلا عن الخروف اها انت وين كرامتك اها اجدع لمن يدك تملخ ههههههههههه في رعايه الله ورمضان كريم
ابو روان

عبد العظيم الوسيلة كتب:

حباب منتدانا في رمضان
حيا فينا محنة ناس زمان
كلامنا فيه قوة وفراسه وشعر كمان
معروفة دبيبة الفن في جميع انحاء السودان

إبدااااااااااااااااااااع

واااااااااااااااااصل يا عبد العظيم موهبة عظيمة منك ....

احنا فرحانين بالاسم يا ابوروان وإن شاء الله تبقى اخت لروان بنتى زينا انا وامها

ابشرو ياجماعة الخير جينا للبوست دا متاخرين

مناظره بين البخيت والقش
القش :



اللـيـلة التـبر أصـبح مِـنَوِّرْ وشَـار ْ

الحـنتور مع الريحـان كـبار وصغـارْ

اتلـمَّ الجمـيع قـالـولي عـايزين تـارْ

ليـش تهـلك جنينا ياغـــــــدارْ ؟؟



البخيت :



ياسفـيه أنـا ديمـة في اسـتحضَــار ْ

مُجـنّدْ لـيْ دفــاع الوطــن والـدَارْ

مُـزارع وحـافل خـيلي مـاها كُـدَارْ

هُـبُكْ سَـابْقَـات يِحَـاكَـن الطَــيَّارْ

سـيفي مكـتلو مـن طارت أم بشَّــارْ

تُرْعَةْ أحـمد علـي أنا باقي ليها حِـدَارْ

أحسـنْ ليـك تفوتْ السـاعة ستة نهـارْ

روح " الوحيل " " وعفانة " وأضرب طارْ



القش :



أنـا يـا لَـبِيْـبْ مِـنَّـكْ خَـــتَرْتَ

ريشَـاتْ قلبي طارنْ مِـنْ مَـا نتـرْتَ

ومِـنْ بَعْـد الهِـيَاجْ في الحِيْنْ فَزَرْتَ



البخيت :



قُتْ ليهو تعال نَوْصِيكْ وكت إنفـزرْتَ

إنْ وقَعْتَ في الشيخْ عُمر دُوْبَك عِتِرْتَ

ضَـربُو في الصَـنْقُوْرْ تَبْ ما بِـيِرْتَا

مـا تْقُـولْ الحَوَّاشـة حِدَاها شـُرطة !!!

وقلـت ليك في القتال إنت ما انسَتَرْتَ



القش :



قـال لـي إنـزمـل لمـن جـعرْتَ

وبلـداً بي جـواركـم مِـنِّو طـرْتَ

وفـي تُرْعَـةْ سَـعِيدْ جَـتْ إنحشرْتَ

كَـافـي والكِـتـير بشـيلة خـرْطَة

والعَجَـبْ العَجِـيْبْ أنـا إنْ مِطِـرْتَ



نقول

حبك يامنتدا وما بنكر و لو انكر بشوفوا هواك
مسطّر في مسام الروح وبعرفوا اني كيف بهواك
وما فارقتا دربك يوم ولا حنيت لي منتدي سواك
لانك عندي كل الكون ومركز دورة الافلاك