شخصيات لامعة (4) راجل المرتين

تذكير بمساهمة فاتح الموضوع :

راجل المرتين راجل شجاع والله واحييه على اقدامه وجراءته باقدامه على مثل هذه الخطوة , بالجد خطوة ما ساهلة ولا هينة ، لانه فتح على نفسه كم جبهة من الحرب و النيران ، وهو سلفاً عارف ( إن كيدهن عظيم )
فلو هو عارف انه بيقدر على العدل بين زوجاته ما فى مشكلة على الاقل من جهته هو تجاه شرع الله ، ومسالله ربه – لكن تبقى المشاكل بين نسوانه ، ومافى مرة على وجه الارض دى بتحمل الضر وكضابة والله البتقول ليك رضيانة و لا هامينى .
كدى نرجع لنجم الموضوع ، فصاحبنا ايامه الاولى من عرسه التانى بيكون فرحان و آخر انبساطة وما عارف الراجيه ، فاول ما يرجع من شهر العسل التانى يلقى ام الاولاد منتظراه بلستة من الطلبات ما أنزل الله بها من سلطان ، طلبات فى شيلتها ما جابوهن ليها ، تعرس تانى لتلاتة .
بعد داك تبدأ المنافسة بين الضرتين , فاى حاجة جابها للولى لازم التانية يجيب ليها احسن منها والعكس تماماً ،مش كده وبس حتى فى الولادة دى بيتنافسن ويصادف بطلنا الهمام يعمل سمايتين فى الشهر الواحد ، و نلاحظ الزوجة الاولى تجند أولادها فى صفها ويشتغلوا طابور خامس على أبوهم ‘ والتجنيد ده سواء كان اجبارى او برضاهم ما من مصلحة الراجل ، ففى الفترة دى يكتر مرض الاولاد ( كان بالصح ولا بالكضب ) وما يتبع المرض من كشف وفحوصات وأدوية و فواكه والذى منه ، ده غير الحرب الكلامية والفعلية ووجع الراس والنقة – و ده كله بيطول شرحه عشان كده نسيبه لوقت تانى وما فى داعى نزحمكم بيه .
اضرب ليكم بس مثل صغير برمضان الجايينا ده
فلو فرضنا انه الاولى عندها تلاتة اطفال والتانية عندها اتنين ، وكل واحدة عايزة مستلزمات رمضان من آبرى ورقاق و بلح وشوال سكر وووووووو . كويس معاك؟ اها دى ميزانيتها كيف؟ يجى بعدها العيد ولاحظ خمسة أطفال وبالميت اى واحد عايز لبستين وجزمة دى على أسوأ الفروض والامهات عايزات التياب وتبعاتها من شبابشب و لبسات واكسسوارات ، وزكاة الفطر حتكون لتمانية افراد ، بعد داك حلاوة العيد والخبايز وغير انه كل واحدة عايزة تسافر لاهلها سواء فى ايام العيد او بعدها وأكيد ما حتمشى يدها فاضية – اها لسه راجل السرور ما جرّ نفسه من عيد رمضان جاه عيد الضحية والخرفان وما أدراك من خرفان و موضوع طويييييييييييييييييييييييييييييييييل
على العموم راجل المرتين تعبان وشقيان وريقه ناشف و موزع ومزعزع و مشلهت وذهنه شارد وعقله مشغول و التسويها بأيدك تغلب اجاويدك اللهم لا شماتة لكن الواحد يفكر الف مرة قبل ما يقدم على خطوة خطيرة زى دى وربنا يكون فى عونه هو الوداه يتشالق شنو - حالتى بس عرضت ليكم حالته المادية بتكون كيف ولو تطرقت لحياته من كل الجوانب (الاجتماعية ، العاطفية الاسرية ..........الخ) لشاب شعر راسكم

ام اشرف ليك التحية ورمضان كريم

انا واحد من الناس اتزوج اربعة

واكان في دسته كمان هاهاهاهاها



ابشر انا وراك

تسلمى يا ام اشرف وانا دايره اقيف معاهم لكن الرجال خزلونى

واذا خايفين من مشاكل النسوان ساعه تقوم الشكله اجر الباب وامرق


تقبلى مرورى

الشيخ فرح عاد الضر بيتحمل؟ خليينا ننظر ساي
ابو النسب كل تاخير لخير ما تستعجل للعرس
سكون الليل كضاااااااااااابة هسه كان عرسوا فيك الحى وووووووووووب تكتر
مروركم اسعدنى

ام اشرف كتب:

عاد جنس فصاحة - والقادر يحنن ضنب حماره

ههههههههههههههههههههههه والله يا ام اشرف الكلام دا بيجي من وين

والله اكان ما اخاف الكضب سااااي انتى عجوز مكرتبه

برضى ما قدرك يا مونى

ام اشرف كتب:

برضى ما قدرك يا مونى

ام شرف كيف ما قدري انا عمري قدامك فى الشاشه عاينى سمح

انت عمرك 26 وقدرى كيف ؟ انت ساقط رياضيات ولا شنو ؟