الدبيبه تحوش الكلمات السودانيه

بيان رقم (0)
ثورة الغبش الفتية
مكتب القائد العام
نفيدكم جميعا يا أعضاء منتدانا العامر باندلاع ثورتنا الفتية ضد الحناكيش .....ومن على شاكلتهم من مدعى الحنكشة
وستستمر الثورة فى تقديم التضحيات والغالى والنفيس حتى يتم القضاء على كل من تسول له نفسه أن يدنس أرض
السودان بالافكار الغربية والمستوردة والتى لا تشبه وطننا الغالى...ونفيدكم بأن باب العضوية للثورة مفتوح وبدون اشتراكات (عارفنكم مفلسين)....فلتنضموا جميعا الى ثورة الغبش الفتية ومعا لاقتلاع الحناكيش من كافتريات السوق العربى ولذيذ وأمواج وما شاكلها الى مزبلة التأريخ......تحت تحت كده موضوع الاشتراكات ده ما بضمنوا ليكم بالذات لو قائد الثورة فلس.....
++++++++++ساعدوني لبنا وطن خالي من الحناكيش+++

ودى كلمات بس فى البداية لزوم طقطقة اللسان:-
الحنقوق: مكنسة مصنعة من السعف
الناف: عود يوضع في رقاب البقر لربط المحراث
السعن: اناء جلدي يصنع من جلود العتان
العتود: صغير الماعز الذكر
الخمارة: بضم الخاء هي إناء فخاري لتخمير المريق والمريق هو دقيق
الذرة
المكرار: وهو الذي لا يوجد إلا حيث توجد الخمارة وسمي بذلك لأن المرأة
تستخدمه في كر المريق أي تحريكه داخل الخمارة وعادة ما تتم هذه
العملية ليلا وللمكرار صوت جميل في سكون الليل.
المرق والوسادة: وهما خشبتي الطول والعرض في العنقريب على
التوالي
اها رايكوم شنو صلاح ابو شذي

بمناسبة الخُمارة يا صلاح

عندنا هنا في السعودية في إحدى المحلات التجارية والتي تختص بالشعبيات السودانية كان واحد عارض عطور وحاجات زي دي وكاتب عليها الاسماء ... من ضمنها ( الخُمرة ) ... جا واحد سعـودي ودخل المحل وقراءها غلط ( خَمـرة ) بفتح حرف احاء ... وتعال يا نصائح كاد يتصل بالشرطة ... اتقى الله الله يا هذا حرام عليك انت في بلد إسلامي استحي .... وسيل من النصائح ...

السوداني قال ليه مالك ويش فيك بنتصح ومعصب ...
السعودي : يعني ما انت داري وش سويت ..
السوداني : لا علمني ويش سويت .
السعودي : وشي هي السموم ( الخمر ) . اتقي الله ...

السوادني : يا عزيزي أقراها صح وتعال انصحني ..
هذه يا طويل العمر ( خُمرة ) ما بي ( خَمر ) ... خاصة بالسودانين نوع من العطر ..

السعـودي : والله سامحني فهمت غلط وش دراني بانها بضم حرف الخاء ( خُمره )

طبعا عاوز يغطي خجلته هههههههههههههههههههههههههههههه

علشان كدا التشكيل مهم كل هذه القومة والقعـدة لانه ما عمل ضمّة ُُُ ُ ُ ُ ُ ُ ُ ُ ُ.....ُُُُُُُُُُُُُُُُُُُ

القدح
وهو عبارة عن إناء الطعام مصنوع من خشب السنط المتين وهو يعادل الصحن حالياً وتتفاوت أحجامه وقديماً كان الناس بيتنافسوا في كبر القدح فكلما كبر قدحك كلما كان ذلك كناية علي كرمك ومنه جاءت كلمة غتي قدحو أي تزوج بنت عمه أو خاله لصونها

منكوم نستفيد يا زاهر انا لسع جديد في الكتابه بالعربي ما بعرف اشكل الكلمات زي الضمه والفتحه والهمزه ما عارفه بتقع وين في الكيبورت
ود ابو عركي فيدونا بعلمكوم جزاك الله خير

يا ابو شذي ماشاء الله عليك كلامك واضح ولا يحتاج لتصحيح انت مدرسة ورائد الشعبيات والفلكور السوداني واصل ابداعك وتميزك والفى القدر بجيبو المغراف .

واليكم اضافه بسيطه ابوشذي
المشلعيب وهواناء اعتقدمن السعف يوضع
سقف المطبخ او الراكوبهوالتكل لحفظ اللحوم
لتكون بعيدا عن متناول القطط
السحاره وهي عباره عن صندوق خشبي يحفظ بداخله
كل الحاجيات
السعن يصنع من الجلد ماعز او خروف لترويب اللبن (رووب)
بعد خجه
المرحاكه حجر كبير مسطح يطحن او يدرش به القمح ليصبح دقيقا
الضويلم عود من الخشب يغرز بين جنبي الماعز او السخل حتي لاترضع شطر امها لتوفير اللبن لصاحبها

الضناب حبل يوضع تحت زيل الحمار ويربط طرفه
الاخر في السرج حتي لايقع السرج(سرج الحمار) لحفظ التوازن
اتمني ان اكون وفقت في الشرح صلحونا ياعواجيز المنتدي
وسلام ياحناكيش

تسلم يا مصعب كشحتني كشحه وما تنسا اللوباده ((مخده توضع تحت السرج ))
والمحريب ((لربط البقر عند الحليب ))
والصراره ((بعر البهايم مخلوط بما يوضع في شطر البهيمه عشان ما ترضع ))
مدماك جزو من البنا
كنيزر 00 ثلث الطوبه الحمره
دي كدي علي السريع اها نشوف الباقي علي منو

السكرتيره مشكوره علي المرور السريع
اها هاااااااااااك دي
النعلات
الشده+ الحاله واقفه+زيزو+الكبك+الدبابه+الشحاطه+تموت تخلي+اصبر+قرب اكان راجل+الباته+الكداره+الشبشب+السفنجه+المركوب+البوت+
ولنا لقا اكان الموت خلانا

هاك ياابوشذى ؟الجاميكا ?

القمر بوبا اعرفوها شنى والبحلها عليه يضع سوال وهكذا تكون شكل مسابقه

القمر بوبا يعني القمر نور اها صاح وله ...........

اول اجابة من صلاح وهى غلط القمر بوبا عشان نقربها شويه حاجه بلبسوها ومنتظرين الاجابة عندكم مدة يومين فقط

الشوك القمر بوبا نوع نعال السفنجه احمر الارضيه والسير حقها ابيض ....صاح يا الشوك وهاكم ديل ضل التمنقره يعني الظل الصباحي ) الحنكول يعني العصاه المحنوفه عند كبار السن (دي قربت للحنكوشه) الكوره ام قعر (يعني الكوره يتاعت رمضان) الحنيطير نوع من اللوبا وده صار مثل (المشتهي الحنيطير يطير) ام داكوم (وصف لنزله البرد) اشتكت لي منها احدي الحبوبات مره قالت عندها ام داكوم .... حلني لمن عرفتها لمن كحت كحه قويه ....وللموضوع بقيه انشاء الله

يا الشوق سهل الاجابه القمر بوبه شي بشوفوهو ؟ وله بلبسوهو ؟

اجابة القمر بوبا جاوبها الاخ حيدر وانا كنت عارف غير حيدر مافى واحد بجاوب وهى السفنجة من تحت لونها احمر وسيورها لون ابيض وتسمى ايضا بالانقلاب وكما الشاعر قال فى اغنية وردى ( القمر بوبا ) عليك تقيل دى طبعا لى محبوبته بانوا السفنجه بتاعت القمر بوبا تقيله شويه والاغنية جات من كده .

الاخت السكرتيرة معليش قربتى للاجابة وبدل الحلق بتاع القمر بوبا حانهدى ليك خاتم جعران هههه.

[size=18] و

هاكم بعض الحاجات :-

الـدقلـوم :- وهو قعر الشجرة .
التيبار و : وهو الزير بتاع العجين.
الضريسه :- وهى اعشاب تقوم فى الخلا وطعنتها حاره جدا.
المطارق :- وهى الشلوخ للانسان والحيوان وتسمى مطارق الشيخ ادريس تيمنا بابونا الشيخ ادريس .
التيوه :- وهى لعبة كرة القدم تسمى عند اهلنا الكبار بالتيوه

[/size].وفى العدد بقية.

اليكم بعض الكلمات ياشباب ورونا لابغتكم
الركوة
الككر
منتظر الرد سريع

الككر معروف كرسي الملوك زمان مصنوع من خشب اشبه بسرج الابل

أما الركووووووة أكيد لها علاقة بالقهـوة والجبنة خليني أتأكد وأجيك بالخبر اليقين

الاخوه الكرام هاكم دى من حافظ احمد عثمان والشوك بسالوكم من( الطنوب) ( الدبر) (خره التكارير)(الهرار)(التتوع) ( القبضه)(جقه) (خمه ) دوكاب) (السقم )(كسار الخواطر) (

الككر اجابة صحيحة يالله شد حيلك على الاجابة الثانية

الدبر هى بتكون غالبا عندالحمار
خرة التكارير ودالواضة
الهرار الاسهال
التتوع الاستفراغ
القبضة دائما بتجى من الجوع
جقة ماكن
خمة طمام
دوكاب زهجان او سرحان
السقم المرض
كسار الخواطر محرج
اما الطنوب ما عرفتها