الدبيبه تحوش الكلمات السودانيه

تذكير بمساهمة فاتح الموضوع :

بيان رقم (0)
ثورة الغبش الفتية
مكتب القائد العام
نفيدكم جميعا يا أعضاء منتدانا العامر باندلاع ثورتنا الفتية ضد الحناكيش .....ومن على شاكلتهم من مدعى الحنكشة
وستستمر الثورة فى تقديم التضحيات والغالى والنفيس حتى يتم القضاء على كل من تسول له نفسه أن يدنس أرض
السودان بالافكار الغربية والمستوردة والتى لا تشبه وطننا الغالى...ونفيدكم بأن باب العضوية للثورة مفتوح وبدون اشتراكات (عارفنكم مفلسين)....فلتنضموا جميعا الى ثورة الغبش الفتية ومعا لاقتلاع الحناكيش من كافتريات السوق العربى ولذيذ وأمواج وما شاكلها الى مزبلة التأريخ......تحت تحت كده موضوع الاشتراكات ده ما بضمنوا ليكم بالذات لو قائد الثورة فلس.....
++++++++++ساعدوني لبنا وطن خالي من الحناكيش+++

ودى كلمات بس فى البداية لزوم طقطقة اللسان:-
الحنقوق: مكنسة مصنعة من السعف
الناف: عود يوضع في رقاب البقر لربط المحراث
السعن: اناء جلدي يصنع من جلود العتان
العتود: صغير الماعز الذكر
الخمارة: بضم الخاء هي إناء فخاري لتخمير المريق والمريق هو دقيق
الذرة
المكرار: وهو الذي لا يوجد إلا حيث توجد الخمارة وسمي بذلك لأن المرأة
تستخدمه في كر المريق أي تحريكه داخل الخمارة وعادة ما تتم هذه
العملية ليلا وللمكرار صوت جميل في سكون الليل.
المرق والوسادة: وهما خشبتي الطول والعرض في العنقريب على
التوالي
اها رايكوم شنو صلاح ابو شذي

جات طايرة طايرة بفوق ...
شايلة الغنابل فوق ....
جات تضرب السلخانة ضربت لنا الشفخانة
الدكتور وقع


جات طايرة طايرة بفوق
شايلة الغنابل فوق
جات تضرب الخرتوم
ضربت حمار كلتوم ...ست اللبن

انا داير وانت دايرة ومربع ومستطيل
القماير.. عشش فلاتة

متى يأتي الزمن الذي فيه ننضم نضمينا

شوفت ناس قاعدين في شجرات حوا جنب ناس نايل قربت منهم لقيتهم
عمك تنقو وبت قضيم وريره

الدبيبه - الحديبه - الحويله - نقطع البحر نمشي السديره

أنجضوا واعرفوا معنى القرهوبا يلا يا

مرحب اخي احمد



القرهوباهي قشرة طين البحر

اجابتك صحيحه يا بنت البلد ويمكن اطلاقها على شئ مقرهب مثل قشره الشجره او الجرح الناشف [ العواره]

ياصلاح والله تابعتك حبه حبه لما راسي داش ولغاية ما وصلت عائشه الفلاتيه عليها رحمة الله
عليها وبعد ما الطياره ضربت الشفخانه قلنا نخش عليكم ولقيت النم عنده قرهوبه لكن يا نكش الطنوب معناه شنو والرشوه وبالمناسبه ما تدفع قروش عشان تسهل امورك وكده عشان ماتقول لي الرشوه معروفه وامباجحود والدليب وابخرص وواسو يالله ياشباب همتكم

تحياتي ودالضيب

ود الضيب والنم ادونا يومين اذا ما عرفناها اكتبو الاجابه الصحيحه
ابوشذي

ودي يموز للحركات مثل الشدة والتنوين مساعدة للأخ صلاح ابوشذى

الشدة حرف ذ + SHIFT
الفتحة حرف ض + SHIFT
تنوين الفتحة حرف ص + SHIFT
الضمة حرف ث + SHIFT
الضمتين حرف ق + SHIFT
الكسرة حرف ش + SHIFT
الكسرتين حرف س + SHIFT
السكون حرف ء + SHIFT

الطنوب هو اللبن فى ضرع البهيمه والرشوه هو حبل الدلو وام باجحوت هى حيوان صغير يوجد فى مناطق الزراعه اما البقيه فلا اعرفها.

تسلموا يا شباب

الشــــــــــــــــــوك الصمــــردقــلل

الشــــــــــــــــــوك الصمــــردقــلل؟؟؟؟؟؟؟؟

يامضوي ده اردو دبابي



تحياتي ودالضيب

شرك مقسم فوق الدقشم
داير اعرف الدقشم معناها شنو
لو تكرمتو

ياحسبو الدقشم الناس الوجوهم قبيحة

بلدارجي يعني الشينين

الصمردقل اللحنى كدرك من الجمله دى الواحد يفهم معناها حجر جبلى لو ضربك فى اصبع رجلك بحنى ضفرك والله اعلم

ههههههه والله الكلام دا أول مرة اسمع بيهو
انتو لذيذين جدا (المذيد)يا أبو عدى

تب ما قصرتو يا زهره و هبط
بس انا اخد راي منو فيكم ؟
يعني الناس الشينين هم المتضررين شوف في كم زول بمرض اي زول بقول الكلام دا
مساكين الشينين الله يكون في عونهم
القشم جمع دقشه؟
رايك برضو قريب
رايكم شنو نحتكم لي خبراء الساحه ونشوف رايهم شنو

هذا الرابط هديه للحناكيش
https://www.youtube.com/watch?v=1JaRTm-NOho&feature=related