عايزين نتعرف على اعمامنا وخالاتنا

عايزين نتعرف على اعمامنا و
خالاتنا
حافتح بوست عبارة عن لقاء كل مرة مع عضو او عضوة في المنتدى لكي نتعرف عليهم نحن الصغار ونتواصل معهم أول عضو اخترته عمو مصعب الشيخ استعد يا عمو مصعب للكرسي الساخن بتاع الأطفال اليك الأسئلة
الإسم؟؟
الهواية؟؟
أمنية لنفسك؟؟
أمنية للمنتدى؟؟
أمنية للدبيبة؟؟
أمنية للسودان؟؟
مكان الإقامة؟؟
متى آخر مرة زرت فيها السودان؟؟
لونك المفضل؟؟
أكلتك المفضلة؟؟
من هم أصدقائك المقربون إليك؟؟
حدثنا عن ذكريات في الدبيبة؟؟
ما أكثر لعبة تحبها عندما كنت صغير؟؟
عمو مصعب انت هلالابي وللا مريخابي؟؟
هل لعبت في فريق الدبيبة ؟؟
خلاص يا عمو مصعب كفاك وكلمة أخيرة لصغار المنتدى؟؟
(عمر)

الله اكبر, يلا يا الشيخ انحنا برضو عاوزين نعرفك يالشيخ, فكره جهنميه يا ابو عمير

يالله ياعمو مصعب في اتنظارك ٠
كرسي ساخن جميل وظريف ٠ فكره رائعه يا ابوعمير .

مصعب وينك تعال عمر راجيك بنبر ساخن اقصد كرسي ساخن احييك يا عمر على هذه الفكرة وعايزك تقعد لينا كربر ده اصله بزوغ من الكراسي الساخنـة .

تقبل مروري وربنا يحفظك

فكرتك حلوة اخى الاصغر عمر. ومنتظرين منك الكثير.

شكرا عمو كربر على المرور

شكرا عمو ود الفاضل و إنشاالله حتشوف افكار كتيرة

شكرا عمو زاهر على المرور

عسولى ابو عمير ويلا يا الشيخ الموت جاك يا تارك الصلاة شديد حيلك Smile

كراسى بطريقه الصاح

عمو زاهر كلم عمو مصعب قول ليهو عمير زعلان عشان طنشتوا وما جيت اهئ اهئ اهئ

في البدء اشكر اختي عاليابيه فهي للتو نبهتني لبوست ابننا عمر نصرالدين ومن ثم ادلف للابن عمر واقدم اعتذاري واسفي الشديد
له لانني كنت شبه بعيد عن المنتدي ولم اري هذا البوست الهام
وياعمر حقك فوق راسنا وانا سعيد ان اكون اول من تختار للكرسي
الساخن واشكرك جزيل الشكر واهنئك لاقتحامك المنتدي بمواضيع هكذا

والان انا مستعد للجلوس والاجابه
الاسم: مصعب حسن الشيخ
الهوايه: الاطلاع الموسيقي
امنيه لنفسك:اكمال نصف ديني وحجه مع الوالد والوالده اطال الله عمرهما
امنيه للمنتدي:المرتبه الاولي للمنتديات والتطور والتقدم
امنيه للدبيبه:ان اري بها جامعة الدبيبه واكتمال كل المرافق الخدميه
مكان الاقامه:ادنبره(اسكتلنده)
متي اخر مره زرت فيهاالسودان:سنة 2007
لونك المفضل:البرتقالي,الاخضر الليموني
اكلتك المفضله: صينية سمك بالفرن علي شرط طابخاها الوالده
من هم اصدقائك المقربون اليك:عيييك كتار جدا ممكن نقول معظم شلة فريق النجومي اصدقائي وحبايبي طبعا خالو عزو واحد من الشله دي
(امكن الوالد ولاالوالده بوروك من هم ناس النجومي واسمائهم لو انا بديت اذكرهم القائمه طويله جدا واعتزبهم جميعا)
حدثنا عن ذكريتات في الدبيبه: ده سؤال جميل ويطول فيه الحديث وداير قعده بس بحاول امر علي اجمل الاشياء التي كنا نمارسها والدبيبه زمان كانت جميله ببساطة اهلها ومحنتهم وصلاتهم القويه ببعض فمثلا كنا زمان نعوم في الحفير طبعاهسي مافي حفائر وهي عباره عن برك مياه ضخمه يحفرها اهل القريه لتشرب منها الاغنام والحمير والبهائم فلذلك
سميت الحفير ولكن نحن جعلناها مكان للسباحه وكان الاهل يمنعوننا منها فلذلك كانوا دائما يعاقبوننا بالجلد والضرب عندما يروننا نسبح
وايضا كنا نركب الحمير وهي موجوده بالخلاء شقاوه بس كده وكنا ايضا
نضع الشرك لاصطياد الطيور وناكلها وبالطبع ممارسة كرة القدم كانت من اهم الاشياءوكان لنا فريق اسمه النجومي من اقوي الفرق بالمنطقه كافه فكثيرا ماانتصرناعلي فرق العسيلات وام ضوابان والعيلفون والصحافه وامتداد ناصر وكان كابتن الفريق عموعبدالناصر وهو من اميز اللاعبين
وفي ساعات المغارب نمشي نشرب الشاي طبعا شاي المغرب باللبن في دار اي واحد من اصحابنا ومن ثم ليلا نذهب لسبيل عمنا احمدعدلان اطال الله عمره لنغني هناك حتي الساعه ١٢ ليلا تقريبا والذكريات كتيره ولاتنتهي بس انا عرجت ليك لاهم الاحداث
مااكثر لعبه كنت تحبها لما كنت صغير:لعبة حرت ولعبة الرمه حراسه
اكيد ماح تعرفهم بس لوسالت الوالد نصرالدين لاشك بشرحه ليك
عمو مصعب انت هلالابي ولامريخابي: مريخابي اكيد واعشق النجمه
هل لعبت في فريق الدبيبه:نعم لعبت بفريق الدبيبه العظيم ولكن لفتره لم تطل بسبب الدراسه والهجره
كلمه اخيره لصغار المنتدي:اولا اشكرك ابني عمر علي هذه السانحه الطيبه واتمني ان اكون وفقت في الاجابه
ونصيحتي لابنائي الصغار بالاهتمام بالتعليم والدراسه اولا فهي سلاح المستقبل وعليكم بالاطلاع والقراءه فهي تمني المعلومات وتطورالمقدرات ودائما اكتبوا عن اي موضوع ترونه يعبر عنكم
واكرر شكري مره اخري لك واتمني لك كل التقدم والنجاح

فكرة حلوة من ولدنا عمر تسلم.

مشكور اخي مصعب على تجاوبك مع ابننا عموري و لو قدر له وطلع صحفي حا يقول
اول ما كتبت كان لقاء مع عماً لينا اسمه مصعب , حقيقة أعجبتني الرسالة التربوية التي
بعثت بها له و لغيره من اطفال المنتدى الا وهي قيمة تعميق حب الوالدين و التي تمثلت
في امنيتك الحج مع والديك اطال الله عمرهما و حقق لك هذه الأمنية الغالية فقد كنت موفقاً
في ذلك

خلاص يا عمير اتبسطت عمو مصعب رد عليك إن شاءالله تستفيد من اجوبته وتعمل بوصيته

أولا اشكر عمو مصعب على الأجابات الجميلة واللقاء الممتع واليوم سوف نتجه إلى الخالات
واحب اتعرف على خالتو عاليابية فارجو ان تتكرمي ان تجلسي معنا زي ماقال عمو زاهر
بنبر ساخن إليك الأسئلة
الأسم؟؟
الهواية؟؟
امنية لنفسك؟؟
حدثينا عن ذكريات في الدبيبة؟؟
امنية لوالديك؟؟
مكان الأقامة؟؟
اكلتك المفضلة؟؟
لونك المفضل؟؟
اعز صديقاتك؟؟
فنانك المفضل؟؟
مادحك المفضل؟؟
ماذا تعني لك الغربة؟؟
ماذا يعني لك الوطن؟؟
ماذا تعني لك الدبيبة؟؟
كلمة اخيرة؟؟

متابعين موضوعك الحلو دة يابوعمير. انت عايز تطلع صحفى ولا دى هواية بس؟ وبتتمنى تبقى شنو لما تكبر ان شاء الله؟
ودى لك وللاسرة الكريمة.

شكرا عمو ناظم انا عايز اطلع مهندس لما اكبر خالتو عاليابية اظهرى وينك

عمر ماشاءالله عليك ربنا يحفظك ياااااااااارب

شكرا خالتو بنت النيل على المرور Cool

ان شاء الله يا عمر وربنا يوفقك.

الابن عمر الكرسى بتاعك شكلو ملهلب لانوشايف الاخت عاليابية ماظهرت والاخ مصعب ماقصر وسلامى للوالد والوالدة وربنايحفظك.

ههههههههه ما شاء الله حبابو اخوى وود عمى يللا يا مصعب اظهر وبان .........

موضوعك جميل يا عموري و ربنا يوفقك و تحياتي للوالد.
عاليابية في إنتظارك..

عمرنصرالدين كتب:: شكرا خالتو بنت النيل على المرور

عموري ياغالي ماتزعل من خالتو
عندي ليك سؤال بتدرس في سنة كم ياحبيبو؟
وعايزة اتكلم معاك ممكن في بوست منفصل

عاليابية عمير الانتظار قتلوا اظهرى