عايزين نتعرف على اعمامنا وخالاتنا

تذكير بمساهمة فاتح الموضوع :

عايزين نتعرف على اعمامنا و
خالاتنا
حافتح بوست عبارة عن لقاء كل مرة مع عضو او عضوة في المنتدى لكي نتعرف عليهم نحن الصغار ونتواصل معهم أول عضو اخترته عمو مصعب الشيخ استعد يا عمو مصعب للكرسي الساخن بتاع الأطفال اليك الأسئلة
الإسم؟؟
الهواية؟؟
أمنية لنفسك؟؟
أمنية للمنتدى؟؟
أمنية للدبيبة؟؟
أمنية للسودان؟؟
مكان الإقامة؟؟
متى آخر مرة زرت فيها السودان؟؟
لونك المفضل؟؟
أكلتك المفضلة؟؟
من هم أصدقائك المقربون إليك؟؟
حدثنا عن ذكريات في الدبيبة؟؟
ما أكثر لعبة تحبها عندما كنت صغير؟؟
عمو مصعب انت هلالابي وللا مريخابي؟؟
هل لعبت في فريق الدبيبة ؟؟
خلاص يا عمو مصعب كفاك وكلمة أخيرة لصغار المنتدى؟؟
(عمر)

اولاً يا مضوي لقاءك ظريف وعرفنا عنك حاجات كثيرة ما كنا عارفنها والليلة انا حأنزر زرتك ما قايلاها صعبة كدا بت الدليجه وينك انت الظاهر بنتعاقب انا وانت رمضان كريم عليك، اباذر لازم اسكك لكن انا عموري معاي في البيت وما مقصر في السكه يلا يا ناظم حأبدأ لك اللقاء اسي :
الاسم؟؟
ميرفت الطاهر محمد دفع الله
الهواية؟؟
لدي هوايات كثيرة الكتابة،الاستماع للمدائح النبوية،والان اكبر هواية مسيطرة على حياتي منتدى الدبيبة اون لاين.
مراحل الدراسة؟؟
الروضة في الدبيبة ، الابتدائي في الدبيبة ، المتوسط في الدبيبة ، صف اول وثاني ثانوي في ام ضوابان صف ثالث ثانوي في الامارات الذي ساعدني والدك كثيرا في دراستي في صف ثالث الى ان نجحت والحمدلله ولكن ربنا لم يشاء ان اكمل دراستي واتمنى ان احقق امنيتي هذه فيكم انتم فتتتفوقون بإذن الله وتحملون اكبر الشهادات واكون بهذا قد حققت حلمي وحلم ابي وامي .
ذكريات من الطفولة؟؟
كل شئ جميل يخطر على بالك كان في طفولتي فقد كنت البنت الوحيدة المدللة في البيت فكنت احاط باهتمام وحب الجميع واكثر ما اتذكره في طفولتي يوم الخميس عندما نسمع صوت البوري فنهرع انا واخي محمد لنفتح الباب لأبي ويخرج ابي ومعه كل ما لذ وطاب واذكر في طفولتي دلع والدي الفنان خلف الله حمد رحمه الله
ونسبة للمشكلة عندي في الكمبيوتر سأكمل لاحقا

لعبتك المفضلة؟؟
انا كنت ما حريفة في العاب الاطفال يعني كنت بليدة في اللعب ولكن كنت احب اللعب بالعرائس وكنت لعبة كمبلت ولكن كنت بطلع من اول اللعبة .
شعورك تجاه منتدى الدبيبة اون لاين؟؟
المنتدى نعمة من الله اعطانا اياها في الغربة قرب البعيد واصبحنا اسرة واحدة واشعر بإنني بين اهلي في الدبيبة وتعرفت فيه على صديقات اصبحن اكثر من اخوات فهو يجسد معاني الالفة والاخوة والترابط واتمنى من الله ان يتقدم اكثر واكثر .
لونك المفضل؟؟
الازرق والبمبي و البنفسج وعموما احب الالوان المتناسقة .
اكلتك المفضلة؟؟
احب المشاوي و الحلويات.
سؤال تتوقعيني اسألك عنو وما سألتك؟
كنت اتوقع ان تسألني عن المديح فأنت تعلم انني اعشق المديح واحب مديح اسماعيل وعبدالله والمرحوم الشيخ ادريس.
موقف جميل مر بك وما اتمسح من ذاكرتك ؟
لا اتذكر موقف معين جميل مر بي ولكن انتم يا ابنائي اجمل شئ في حياتي .
كلمة اخيرة؟؟
اتمنى ان يعجبك اللقاء يا عموري وما اكون تقلت عليكم واتمنى ان اكون ام مثالية كما ذكرت وسامحني اذا قسوت عليك في يوم ما ولكن عندما تكبر ستعلم انه لمصلحتك فانا احبكم كثيرا ودمتم لى

ام روان حوار سلس وجميل وربنا يخلي ليك اولادك و ابوهم يارب
كنتى بتجري انتى ومحمد اخوك تلاقوا الوالد معناها محمد ده اصغر منك بسنة وعامل لينا فيها صبي فى الاساس

مونى الله يبارك فيك لكن برضى ما فهمت بتبارك لى شنو

مضوى مشكور وحوارك انت اجمل استمتعنا به كثيرا مونى وينك مختفى يا راجل مفقود ورمضان كريم عليك ام اشرف الصبى اكبر منى بسنة واتربينا زى التيمان ولغاية هسى زى التيمان وحشتينى يا غالية

حوار جميل ، اسال الله ان يحقق امانيك ويحفظ ابنائك ويوفقهم وان يسعدوك ويكونوا قرة اعين لك عمتو ام روان ولوالدهم

انتي ياام اشرف اسي الصبي الجابو هنا شنو؟؟؟؟؟؟؟؟؟؟

مالك ومالو عجوز ولا صغير!!!!!!!!

انا الحمد لله عجووووووووووووووووووز !!!!!!!!!!

لكن كعبين الناس العجايز وبركبو مكنات ناس صغار زي ماعاملة انتي!!!!!!!!!

قالت صغيرة قالت !!!!!!!!!!!!!

لقاء جميل وكلام اجمل ياام روان وربنا يديك الصحة والعافية ويخليك لي اولادك ولينا ان

شاءالله ويبعد عنك عين العجوز العنطروز ام اشرف.

هههههههههههه الصبي حرقتك مالك
وكمان طلعت اكبر من ام روان
قال صبي قال

بسم الله الرحمن الرحيم اصبحنا واصبح الملك لله انتي متين جيتي ناطة؟؟؟؟؟؟؟؟

اول حاجة انا كاتب عمري واضح عايني ليهو يمينك!!!!!!!

كعبين الناس الداسنو وماكاتبين قصادو اي حاجة!!!!!!!!!

كضبي ساااااااااااااي مافي زول عارفك عمرك كم!!!!!!!!

قدرك انا ؟ نديدتك ؟ عاصرتك ؟ دفعتك ؟ زميلتك ؟

يا الصبي ام اشرف اكبر منك الدفعة القدامك شغل سااااااااااااي بعد التخرج 8 سنة غير الجمع والعطلات الرسمية

الله يسلمك خالو نايس وتسلم لى يا اخوى يا الصبى

تسلمى يا ام روان لقاء جميل وربنا يحقق الامانى ويحفظ ليك اولادك

تسلمي يا اعز ام لقاء جميل ربنا يحفظك ويديك العافية

مشكورة ام روان, لكن شفتى ولدك دة بزر الناس كيف؟
تسلم ابوعدى , معقولة انت اتغربت من ٢٠٠٣؟

تسلموا جميعا ومشكور ابو عدى حوارك رائع وربنا يجمعنا فى بلدنا فى ساعة خير ويا ناظم عمير زرتوا صعبة خلاص ما كنت قايلاها كده انت اتخارجت بدرى وللا كان هسى ريقك نشف فى رمضان

thanks god

بسم الله الرحمن الرحيم
السلام عليكم ورحمة الله وتعالى وبركاتة
الاسم..رانيا عبدالله عبدالقادر على ((الدليجة والدميج كنية للوالد رحمة الله علية))
الهواية..مشاهدة التلفزيون والاطلاع وكل ماهو جميل
زكريات الطفولة...الطفولة دى اجمل فترة فى حياتنا ولا يمكن ايجازها ولكن مادام نحن فى رمضان نزكر معاكم ايام الكوير ياسلام تلقانا من الضهر جهزنا عدتنا وبعد داك نطلع الشارع ننظفو تمام ونستنى الافطار وبعد داك نطلع نغنى لحدى الليل مااجى
شعورك فى الدبيبة.....شعور بالامان الطمائنينة الحب والمودة بشعر كانى فى جنة الله في الارض فمائها يروينى وترابها يحتوينى وجدرانها يحمينى
شعورك فى الغربة....دعنى اقول لك ماذا تعلمت من الغربة تعلمت منها ماذا يعني لى الوطن وكيف اشتاق الية واشعر في الغربة بي الوحشة وعدم الامان ودوما التفكير فى يوم التالى بحذر وخوف
لونك المفظل.....البنفسج الكبدى والبنى
اكلتك المفضلة......كسرة بي مفروكة خضرة من يد الوالدة اطال الله في عمرها وبحب الاكل الجاهزوبي الاخص لو كان مشاوى
اخر مرة زورتى فيها السودان.....كان في يوم 6/1/2005
دولة اتمنى زيارتها هى المملكة العربية السعودية لى اداء عمرة ولى زيارة قبر الوالد رحمة الله
اصدقاء مقربون.....الاصدقاء كثيرون ويتعددون بي تعدد مراحل الحياة وانا ارى كل من يرتاح لة قلبى ويسهل معة التعامل وابتسمتة في وجهة فهو صديق لى ولكن ازكر معكم بعض منهم
منى مبارك؛اميرة عمر:هالة حمد,,خالدة ..فاطمة .نجاة.خنساء..ورفيقات الغربة العزيزةتماضر كباشى والغالية فاطمة محمد بنت عمتى اخلاص مضوى والحبيبة تسنيم والغالية عبير الحبر
كلمة اخيرة اولا اشكر كل من ساهم فى إن شاء هذا المنتدى فهو هبة اللة الى كل الغتربين والله بشعر وانا بتصفح في المنتدي كانني اتجول في شوارع الدبيبة وبتونس مع اهلى واحبابى وعشيرتى واتمنى من الله ان يزداد ازدهارا بوجودكم ومجهوداتكم ومساهماتكم
واللة لقاء جميل جدا كيف لا وهو من ملاك جميل وبرئ مثلك حفظك الله الى ماما وبابا وجعلك سند الى اهلك فاانتم الامل الذى ينير لنا الحياة ومن خلالكم نحقق الامانى التى لم نحققها لى انفسنا وتحياتى الى ماما فهى صديقة مقربة الى قلبى بي من رغم من عدم اللقاء لى سنين طويلة وإن شاءالله اكون ضيفة خفيفة وما اكون بريتكم















و,

يا سلام عليك يا رانية لقاءك حلو زيك والله انا بحبك جدا وقد كانت كلماتك صادقة ومعبرة يا طيبة يا اميرة اتمنى من الله ان يجمعنا قريبا لنعيد تلك الايام الجميلة التى عشناها سويا فعشرتك لم ولن انساها يا غالية

وانا كمان اتمنى ذلك وتسلمى يا ذوق